Jean 8:42 - Bible azumeina

⁴² Jesus mi dazi ala: Ladjï Alona nAbugiya ni, agi mba lagi kanu, kayam an tcholï ni gen Alona ba, ni mba wana, kayam an mba ni yam tan ndi, wani ni mam ba, mi sununïya.

Jean 8:42 Iomraidhean Croise

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 12:49

Kayam an nga ni de va yam tan ndi, wani Abun ma mi sununïna ba, mi han vuna yam vama an nga ni duma ki zla d’a an mba ni data mi.

Jean 13:3

Jesus mi wala Abum mi hum wa ahlena pet abomu, mam tcholï ni gevemu, nga mi hulong gevem mi d’a,

Jean 14:10

Ang nga he gagazid’a ala an nga kur Abunu, Abun mi nga kurun mi d’uo zu? Zla d’a an nga ni dagizi d’a wanda ni manda d’i, nAbun ma nga kuruna ba, nga mi ndak vun sun mamba.

Jean 16:30

Ki tchetchemba, ami wami ala ang wahlena pet da’, sama dok mi djobong yam va nga d’uo d’a. Kayam ndata, ami hami gagazid’a ala ang tcholï ni gen Alona.

Jean 17:25

Abun ma d’ingêrâ, suma duniyad’a a wang nga d’i, wani an wangû, suma ang handjina a wala ni ang ba sununïya mi.

Jean 17:8

kayam zla d’a ang handjid’a, an haziziya wa. Azi vad’u, a wala: Gagazi, an tcholï ni gevengû, a he gagazid’a ala: Ni ang ba, sununïya.

Jean 3:17

Kayam Alona mi sunï Goroma kur duniyad’a ka hî ná ka sariyad’a yam suma d’i, wani kayam mi sud’uziya.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Jean 5:43

An mba ki simiyê Abunu, wani agi van nga atagi d’i. Le sama dingâ mi mba ki simiyêm mam tamba ni, agi mba vum atagiya.

Jean 8:14

Jesus mi hulong dazi ala: Le an le ni glangâsâ yam tan pî, glangâs mana ni gagazi, kayam an we yima an tcholï kuana ki yima an i kuana mi, wani agi wagi nga yima an tcholï kuana d’oze yima an i kuana d’uo mi.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

Galat-na 4:4

Wani kid’a yina ndaka, Alona mi sunï Gorom ma atchad’a ti vud’um ad’u gata hi Juif-fîd’a,

1 Jean 4:14

Ei wei wa, ei nga lei glangâsâ ala: Abui Alona mi sunï Goroma á sut suma kur duniyad’ina.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,