Jean 8:33 - Bible azumeina

³³ Azi hulong dum ala: Ami nandjafâ hi Abraham-ma, ami lami nga magom mi sa yami tu d’i. Ni nana ba, ang dala ang mba mbud’umi gro vuta ge?

Jean 8:33 Iomraidhean Croise

Ad’u Tinda 15:13

Ma didina mi dum ala: Ang we woi tetet ala andjavang mba mi i mbeid’a yam andaga d’a nga ni mazid’a d’uo d’a; azi mba laziziya, a mba lazi magomba bizad’a kikis fid’i.

Esdras 9:9

Kayam ami ni magumeina, wani ang Alo mamina arami nga woi kur magomba d’i, ang wami wa hohowomi avok amulei suma Perse-na. Kayam ndata, azi arami lovota á min gong mang nga kud’ora, á minimi yima b’lak keina akulo, á fami yima kaka avo Jerusalem yam ambas sa Juda-d’a mi.

Sunda hi suma hi Levi-nid’a 25:42

Kayam azi ni magumei man suma an buzuguzï woi kur ambas sa Ezipte-d’ina, ar ang guzuzi woi d’igi a gus magumeina woi na d’i.

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Wana ni Zla d’a Djivi d’a Luc mi b’irita 3:8

Agi lagi sun nda memeta á tak kei ala agi mbud’ugi wa hurugiya d’a. Ar agi dagi kurugi ala: Abraham nabumi ngolo na d’i, kayam an nga ni dagi woi mbak ala Alona mi ndak á mbut ahuniyô suma wana grona mi Abraham.

Jean 19:25

Wani Jesus asum ki wiyeta Marie atchad’a hi Klopas-sa ki Marie d’a Makdala-d’a, a nga tchola go kagu ma b’ala hi Jesus-na.

Jean 8:37

An wala agi nandjafâ hi Abraham-ma, wani agi nga halan á tchid’a, kayam zla manda fe nga yima kaka kurugi d’i.

Jean 8:39

Azi hulong dum ala: Abumi ni Abraham. Jesus mi dazi ala: Ladjï agi ni Abraham groma ni, agi lagi ni sunda hi Abraham-mba.

Jean 8:43

Ni kayam me ba, agi humugi zla man nda ded’a d’uo ge? Ni kayamba agi ndagagi á hum zla manda d’uo d’a.

Romê-na 9:7

Nandjafâ hi Abraham-ma nga ni grom suma gagazina pet ti, kayam Alona mi de mi Abraham ala: Andjafâ hi Isa’â hol ba, a mba ndumum andjavangû.

Suma ka sariyad’a 2:18

Ata yima Ma didina mi tinizi suma avorozina, Ma didina mi nga zlapa ki ma avorozi máma, nga mi pad’azi woi abo mazi suma djangûna, kid’a ma avorozi máma mi nga ki iramba. Kayam Ma didina mi wazi hohowozi yam zam ta d’a azi nga zamat abo suma a nga lazi ndaka suma a nga djobozi vunazina.

Suma ka sariyad’a 3:8

Ma didina hurum zal ata Israel-lâ ngola, mi hazi woi abo Kusan-Risatayim amul ma Mesopotami-na. Israel-lâ a le sunda mi Kusan-Risatayim gak bizad’a klavandi.

Suma ka sariyad’a 4:3

Jabin mi nga ki pus ma kawei ma dur ayîna kikis zlengâ, mi djop vun Israel-lâ ngola gak bizad’a dok mbà. Ata yi máma Israel-lâ a nde tchi yam Ma didina ala mi ndjunuziya.