Jean 8:29 - Bible azumeina

²⁹ Mam ma sununïna, mi nga ki sed’enu, nga mi aran van ndi, kayam an nga ni lahle suma lum tam djivid’ina burâ ki burâ.

Jean 8:29 Iomraidhean Croise

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 42:21

Kayam djivi mamba, Ma didina mi min mbut gat mamba ngola djifâ kala.

Isai 42:6

An Ma didina ni yangî yam d’ingêra, an nga ni vang abong akulo, an nga ni ndjunungû, an nga ni tining á djin vunang ki suma pet á mbut b’od’a handjaf sumid’a,

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 3:15

Wani Jesus mi hulong dum ala: Ar ang lan ka tchetchem, kayam ei ndagei vun ahlena pet suma Alona mi minizina. Bugola, Jean mi mina.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Jean 14:31

wani mbeî suma kur duniyad’ina a wala an nga ni le yam Abunu, an nga ni le d’igi Abun mi han vuna na mi. Agi fagagi akulo, ei i sä hî.

Jean 15:10

Le agi nga ngomogi vun man ma hed’a ni, agi mba kagagi kur o manda, d’igi an ngom vun ma hed’a hAbuna na, an nga kaka kur o mamba na mi.

Jean 16:32

Agi gologiya! Yina nga mba, ki tchetchemba mi mba wa, ata yi máma, agi mba b’rawagi woi yayak, nge nge pî mba mi i avo hatamu. Agi mba aran van tu, wani an nga van tu d’i, kayam Abun nga ki sed’enu.

Jean 17:4

An suburung wa yam andagad’a ka hî, an dap wa sun nda ang handji á led’id’a.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Jean 5:30

Jesus mi dazi kua ala: An nga kad’enga á le va yam tan ndi. D’igi an hum na, an nga ni ka sariyad’a hina mi. Sariya d’a an kata ni d’ingêr, kayam an nga ni le ni min manda d’i, wani an le ni minda hi mam Ma sununïna.

Jean 6:38

kayam an tcholï akulo ná le min manda d’i, wani ná le minda hi mam Ma sununïna.

Jean 8:16

Wani, le an ka sariyad’a pî, sariya manda ni gagazi, kayam an ni van tu d’i, wani an ni kAbun ma sununïna.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

2 Timote 4:22

Ar Salad’a mi kak ki sed’engû. Ar Alona mi vagi sumad’a mi.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

1 Jean 2:1

Grona, an nga ni b’irigi ahle suma wana kayam me agi lagi tchod’a d’i. Le sa adigagi mi le tchod’a ni, ei nga ki Grangâ gen Abui Alona, nala, Jesus Christ ma d’ingêrâ.

1 Jean 3:22

Vama lara pî ma ei nga tcheneizina, ei nga feizi abomu, kayam ei nga ngomei vun ma he mama, ei nga lei ahle suma a lum tam djivid’ina mi.