Jean 8:27 - Bible azumeina

²⁷ Wani azi we nga d’ala Jesus mi dazi ni yam Abumu d’a d’i.

Jean 8:27 Iomraidhean Croise

Isai 59:10

Ami nga lamami huyok gulumuna d’igi suma duka na, ami nga lamami yina d’igi suma irazi nga d’uo na na, ami nga dabami asemi kä falei d’igi yima andjegena na, kur duzîd’a wan ko, ami ni d’igi suma matna na.

Isai 6:9

Ata yi máma mi dan ala: Ang i de mi sum ndazina ala: Agi mba humugi djiviya, wani agi mba humut ad’ut ti. Agi mba gologi djiviya, wani agi mba wat ad’ut tuo mi.

Jean 8:26

An nga ki zla d’a ngola kagi á ded’a, á ka sariyad’a kagi mi. Wani mam ma sununïna, ni Ma gagazina. An nga ni de mi suma yam andagad’ina vama an humumï avunama.

Jean 8:28

Kayam ndata, Jesus mi dazi ala: Fata agi gabagi wa an Gor Sana akulo ni, kur bur máma agi mba wagi ala an ni Ma nga na. An nga ni le va yam tan ndi, wani an nga ni de ni vama Abun had’andjina.

Jean 8:43

Ni kayam me ba, agi humugi zla man nda ded’a d’uo ge? Ni kayamba agi ndagagi á hum zla manda d’uo d’a.

Jean 8:47

Sama hAlonina nga mi hum zlad’a hAlonid’a, wani agi nga humugizi d’i, kayam agi nga ni suma hAlonina d’i.