Jean 8:26 - Bible azumeina

²⁶ An nga ki zla d’a ngola kagi á ded’a, á ka sariyad’a kagi mi. Wani mam ma sununïna, ni Ma gagazina. An nga ni de mi suma yam andagad’ina vama an humumï avunama.

Jean 8:26 Iomraidhean Croise

Jean 15:15

An dok yagi azungeîna d’uo d’a, kayam azongâ nga mi we vama salama mi luma d’i. Wani an yagi buniyôn suma kokodjona, kayam ahlena pet suma an humuzï avun Abuna, an tagagiziya wa.

Jean 16:12

An nga ki zlad’a ngola tua á dagiziya, wani ki tchetchemba, agi ndak á vagizi kagi d’i.

Jean 17:8

kayam zla d’a ang handjid’a, an haziziya wa. Azi vad’u, a wala: Gagazi, an tcholï ni gevengû, a he gagazid’a ala: Ni ang ba, sununïya.

Jean 18:20

Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi.

Jean 3:11

Gagazi, an nga ni dangû, ami dami ni vama ami wuma, ami lami glangâsâ ni yam vama ami wamizi ki iramina, wani agi nga vagi zla mamid’a d’i.

Jean 7:16

Kayam ndata, Jesus mi hulong dazi ala: Hat ndata ni manda d’i, wani ti tcholï nata Alo ma sununïna.

Jean 7:28

Ata yi máma, Jesus nga mi hat suma kur gong nga kud’ora hAlonid’a, mi de ki delem akulo ala: Agi wan gagazi, agi wagi yima an tcholï kuana gagazi mi! Wani an mba ni yam tan ndi. Mam ma sununïna ni Ma gagazina, wani agi wum nga d’i.

Jean 8:25

Kayam ndata, azi dum ala: Angî nge ge? Jesus mi dazi ala: An ni mam ma an dagizi zlam avo’â.

Jean 8:27

Wani azi we nga d’ala Jesus mi dazi ni yam Abumu d’a d’i.

Jean 8:40

Wani ki tchetchemba, agi nga halan á tchid’a, an ma dagi zla d’a gagazi d’a an humud’ï avun Alonid’a. Abraham mi le nga hina d’i.

2 Korente-na 1:18

D’igi Alona ni Ma d’engzengâ na, zla d’a ami dagizid’a nga ni  ki Hawa d’i.