Biblia Todo Logo
Bìoball air-loidhne

- Sanasan -




Jean 8:21 - Bible azumeina

21 Kayam ndata, Jesus mi dazi kua ala: An nga ni iya. Agi mba halanu, wani agi mba bogi kur tcho magid’a. Yima an nga ni i kuana, agi ndak á igi kua d’i.

Faic an caibideil Dèan lethbhreac




Jean 8:21
21 Iomraidhean Croise  

An nga ni dang ngei avok Alo mang Ma didin ma bei matna ba na. Ambas sa ar hawa bei salana mi sun kur á halanga nga d’i. Ambasa suma kurutna le a dala: Mi nga hatami d’uo d’a, a gun ni tazi mbeî ala azi wang nga d’uo.


Ad’eng nga mam nga ki sed’et kazongômba, mba mi i kä ki sed’et aduk andaga d’a gugud’upa mi.


Ata yima sama asa’atna mi mitna, hur mam ma tinda mi dap mi woi mi, tin hurâ hi suma tchonina a mba b’lagam mbeyo.


Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.


Kur azì máma a mba fe gogor ma mi mit atogo hina za’â nga d’i, mamar ma mit avok bei bizam mbi nda’â nga d’uo mi. Gogorâ mba mi mit ni bizad’a kis mbeî, sama mi mit avok bizad’a kisina, a mba golomî d’igi sama tcho ma Alona mi gum vunina na.


Kayam ndata, an nga ni dagiya, agi mba wan nduo d’a, gak bur ma agi mba dagi ala: Ar Alona mi b’e vunam yam sama nga mi mba ki simiyê Ma didinina na.


An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.


Azi mba i kur ndak ka didinda, wani suma d’ingêrâ a mba i kur ari d’a didinda mi.


Mi de hina ná tak mad’am ma mam mba mi mitna.


Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.


Grona, an nga ki sed’egi tua ndjö. Agi mba halanu, wani d’igi an de mi Juif-fâ na ala: Yima an i kuana, agi ndak á igi kua d’i, ki tchetchemba an nga ni dagi hina mi.


Agi mba halanu, agi mba fan ndi, kayam yima an mba i kuana, agi ndak á igi kua d’i.


Zla d’a mam dat ala: Agi mba halanu, agi mba fan ndi, kayam yima an mba ni i kuana, agi ndak á igi kua d’uo d’a, ad’ut nana ge?


Kayam ndata, an dagi ala: Agi mba bogi kur tcho magid’a. Le agi hagi gagazid’a ala an ni Ma nga na d’uo ni, agi mba bogi kur tcho magid’a.


Adjeu agi ni suma bogi woi yam tchila magid’a, yam tcho magid’ina mi.


Lean sinn:

Sanasan


Sanasan