Jean 8:12 - Bible azumeina

¹² Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Jean 8:12 Iomraidhean Croise

Wana ni mbaktumba hi Job-pa 33:28

Wani mi prud’un ndei tala an kal kä kur zula d’uo, an mba ni we b’od’a kua d’a!

Sawal la giled’a 18:28

Ang nga sut suma a nga kur hohoud’ina, wani ang nga hulong suma a hle yazi akulona yazi kä.

Sawal la giled’a 49:19

Kid’a mi nga ki iramba, nga mi subur tamu, ata yima mi nga kur haheî mambina, suma a suburum mi.

Sawal la giled’a 97:11

B’od’a nga d’i b’o yam suma d’ingêrâ; suma huruzi d’ingêra a nga le furîd’a mi.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Isai 9:2

Ma didina, ang mba zuluziya, ang mba tinizi á le furîd’a, a mba le furîd’a avorong d’igi suma a nga le furîd’a ata yima fet awunina na, d’igi suma a nga er ad’uzi akulo ki hur ma hapma ata yima a nga b’rau ahle suma a yozï avun ayînina na mi.

Wana ni mbaktumba hi Oze-d’a 6:3

Ei weya, ei halei lovota á we Ma didina, ei wei ala nga mi mba gagazi d’igi yima fod’a na, nga mi mba kei d’igi mbiyo ma hle yinina na, d’igi alo ma hod’ogei ma mi rap yam andagad’ina na.

Matiye 5:14

Agi ni d’igi b’od’a hi suma yam andagad’ina na. Azì ma ngol ma a minim yam ahinad’ina, mi ndak á vit ti.

Wana ni Zla d’a Djivi d’a Luc mi b’irita 2:32

Ni d’a mba d’i b’o woi yam andjaf suma dingîd’a, ni subura hi mang suma Israel-lîd’a mi.

Jean 12:35

Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.

Jean 12:36

Ata yima b’od’a ti nga ki sed’egina, ar agi hagi gagazid’a kad’u, kayam agi mbud’ugi suma hi b’od’ina. Kid’a Jesus mi de zla ndata dad’a, mi iya, mi ngei tam mbei iraziya.

Jean 12:46

An ni b’o d’a mba kur duniyad’id’a, kayam sama lara pî ma he gagazid’a kana, mba mi kak kur nduvunda d’i.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 3:19

Sariya ndata ba wana: B’od’a ti mba kur duniyad’a, wani suma a min nduvunda kal b’od’a, kayam sun mazi d’a led’a ni tchod’a.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

Jean 9:5

Kid’a an nga kur duniyad’a tua d’a, an ni b’od’a hi suma kur duniyad’ina.

Sunda hi suma a sunuzinid’a 13:47

Kayam Salad’a mi hami vuna ala: An tining d’igi b’od’a na yam andjaf suma dingâ, kayam ang i ki suta mi suma gak avun dabid’a handagad’id’a.

Sunda hi suma a sunuzinid’a 26:23

Azi dala: Mesi mba mi fe ndaka, mba mi tchol akulo avok kikidji aduk suma matna, mba mi tchi wala yam b’od’a mi Juif-fâ kandjaf suma dingâ mi.

2 Pierre 2:17

Azi ni golongeî suma bei lau mbina, azi ni d’igi d’ugul la babarâ nga mi tchat tatad’a na. Alona nga mi ngom zul la nduvun nda yiyika kaziya.

2 Pierre 2:4

Kayam Alona mi ar nga malaika suma a le tchod’ina hawa d’i, wani mi tchuguzi nga kä kur gring ma nduvun ma i’îli’â á ngomozi gak bur ma ka sariyad’a.

1 Jean 1:6

Le ei dei ala: Ei nga lei darigïd’a ki sed’emu, wani le ei nga tid’i kur nduvunda tua ni, ei kei ni zlad’a, ei nga tid’i yam gagazid’a d’i.

Jude 1:13

Azi ni d’igi abilâ halum ma ngol ma nga mi sulul hubup hubup ki sun mazi d’a zulona na, azi ni d’igi tchitchiu d’a tcha tata d’a na. Alona nga mi ngomozi kä kur yima nduvun ma i’îlik ma yiyi’â gak didin.

Jude 1:6

Agi djib’eregi yam malaika suma a ngom nga ad’eng nga Alona mi hazizid’a d’uo suma a ar yazi ma kaka woina. Kayam ndata, Alona nga mi ngomozi kä kur nduvunda djinda ki kindjing ma didina á djup bur ma ngol ma a mba kazi sariyad’a kazina.

Vama ndum mbeina 21:24

Suma yam andagad’ina a mba tit kur b’o mamba, amulei suma yam andagad’ina a mba mba ki ndjondjoî mazid’a kurumu.