Jean 7:42 - Bible azumeina

⁴² Mbaktumba hAlonid’a ti dala: Mesi mba mi ndeï nad’u andjafâ hi David-na kur azì ma Betelehem ma David mi kak kuana d’uo zu?

Jean 7:42 Iomraidhean Croise

1 Sunda Hamuleinid’a 2:51

Salma ni ma mi gäd’u Betelehem-ma; Haref ni ma mi gäd’u Bet-Gader-râ.

Sawal la giled’a 132:11

Ma didina mi gun tam mi David, gagazi, nga mi hulong bugol li; mi dala: Ni gorong ma kurungâ ba, an mba ni tinim á kak yam zlam mang nga amula blangângû.

Sawal la giled’a 89:4

Ang dala: An djin vunan ki ma an manama, an gun tan mazong mana David ala:

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Matiye 1:1

Wana ni mbaktum mba yam andjafâ hi Jesus Christ ma ad’u andjafâ hi David ma ad’u andjafâ hi Abraham-mina:

Matiye 2:5

Azi hulong dum ala: Kur Betelehem mba yam ambas sa Jude-d’id’a d’igi ma djok vun Alona mi de na ala:

Matiye 2:6

Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Wana ni Zla d’a Djivi d’a Luc mi b’irita 2:11

Kayam a vud’ugiya wa Ma Suta ini kur azina hi David-na, ni Christ, Salad’a.

Wana ni Zla d’a Djivi d’a Luc mi b’irita 2:4

Josef mi tcholï kur azì ma ngol ma Nazarat ma Galile-na, mi i yam andaga d’a Jude-d’a kur azì ma ngol ma a yum ala Betelehem ma ni yima a vut amul ma ngolâ David kuana, kayam Josef tamba nandjafâ hi David-na.

Jean 7:27

Fata Mesi mi mbad’a, sa nga mi we yima mi tcholï kuana d’i, wani ei wei yima sama wana mi tcholï kuana.

1 Samuel 16:1

Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

1 Samuel 16:4

Samuel mi le d’igi Ma didina mi dum na. Kid’a mi i Betelehem-mba, suma nglo suma kur azinina a d’ugulomu, a nga ki mandarâ, a djobom ala: Ang mba ni hawa ko zu?

1 Samuel 17:58

Saul mi djobom ala: Bäna gogorâ, angî gorâ hi nge na ge? David mi hulong dum ala: An nazong mangâ Jesse ma Betelehem-ma goroma.