Jean 7:39 - Bible azumeina

³⁹ Jesus mi de zla ndata ni yam Muzu’â hAlona ma suma a he gagazid’a kama a mba vuma, kayam Muzu’â nga bei humï tua, kayam Alona mi subur nga Jesus biya d’i.

Jean 7:39 Iomraidhean Croise

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Isai 12:3

Agi mba gulugi mbina ni ki furîd’a kur golong nga lau d’a suta.

Isai 32:15

Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Joel 2:28

Ma didina mi dala: Bugol ahle ndazina, an mba ni vo Muzuk mana yam suma pet. Grogi suma andjofâ ki grogi suma aropma a mba djok vuna, momorogei magina adïd’a mba d’i daziya, azungeî magina ahlena a mba nde tazi woi irazi mi.

Matiye 16:14

Azi hulong dum ala: Suma dingâ a nga dala angî Jean ma le suma batemba, suma dingâ ala angî Elie, suma dingâ ala angî Jeremi d’oze ma dingâ tu aduk suma djok vun Alona.

Matiye 21:11

Ablau suma a hulong dazi ala: Ni Jesus ma Nazarat ma djok vun Alona ma tcholï yam andaga d’a Galile-d’ina.

Wana ni Zla d’a Djivi d’a Luc mi b’irita 24:49

An mba ni sunugi he d’a hawa d’a Abun mi hle vunam kata, wani agi kagagi kur Jerusalem djang gak ad’eng nga akulod’a mba d’i mba kagiya.

Wana ni Zla d’a Djivi d’a Luc mi b’irita 3:16

Jean mi hulong dazi pet ala: Anu, an nga ni lagi batemba ni ki mbina. Wani ma nga mbana, ad’engêm kalanu. An ndak nga ki mam mbi. Ziyo atuguru mama pî, an ndak á bud’um mbi. Ni ma mba lagi batemba ni ki Muzuk ma bei tchod’a ba na kakud’ina.

Wana ni Zla d’a Djivi d’a Luc mi b’irita 7:16

Azi pet a le mandarâ, a nga subur Alona, a dala: Ma djok vun ma ngolâ hAlonina mi nde wa woi adigeya, Alona mi mba wa á ndjun sum mama.

Jean 1:21

Azi djobom ala: Ni nana ge? Angî Elie zu? Jean mi dazi ala: Hawa! An ni mam mbi. Azi djobom kua ala: Angî ma djok vun Alona máma zu? Mi hulong dazi ala: Hawa!

Jean 1:25

Azi djobom ala: Ang le ni Mesi d’i, Elie d’i, Ma djok vun Alona máma d’uo mi ni, ni kayam me ba, ang nga le suma batemba ge?

Jean 1:33

Avok an wum nga d’i, wani Alo ma mi sununï á le suma batemba ki mbinina, mi dan ala: Mam ma ang we Muzu’â mi surobï akulo, mi kak kama, ni mam ma mba mi le suma batemba ni ki Muzuk ma bei tchod’a ba nina.

Jean 12:16

Mam suma hata a we nga ad’u zla ndata avok ki, wani kid’a Alona mi hlum akulo mi suburumba, humazi gazi yam zla d’a mbaktumba hAlonid’a ti dat kamba kahle suma azi lazi ki sed’ema mi.

Jean 12:23

Jesus mi hulong dazi ala: Yina ndak wa kayam Alona mi suburun an Gor Sana.

Jean 14:13

Le ni me pî ma agi mba tchenegizi ki simiyên abo Abuna, an mba lagiziya, kayam me an Goroma ni nde subura hAbunda woyo.

Jean 14:26

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Jean 16:14

Mam mba suburunu, kayam mba mi yoï nahle suma atana ba, mba mi dagiziya.

Jean 16:7

An nga ni dagi zla d’a gagazid’a. Ni djivid’a kagi d’ala an iya d’a. Le an i d’uo ni, Ma ndjunda mba mi mba kagi d’i. Le an iya ni, an mba ni sunugizïya.

Jean 17:1

Kid’a Jesus mi dahle ndazina dad’a, mi hle iram akulo, mi dala: Abunu, yina ndaga wa, ang suburunu, kayam an suburung mi.

Jean 17:5

Abunu, ki tchetchemba, ang suburun avorong ki subur ra an nga ki sed’et avorong avok dei bei led’a hi duniyad’id’a.

Jean 20:22

Kid’a mi de hina d’a, mi fo muzugam kaziya, mi dazi ala: Agi vagi Muzuk ma bei tchod’a ba na kurugiya.

Jean 6:14

Ata yima suma a te ndazina a wahle suma ndandal suma Jesus mi lazina, a dala: Gagazi, sa máma ni Ma djok vun Alona ma nga mi mba kur duniyad’ina.

Jean 7:12

Ablau suma a kud’us tazi ngola yam zla mamba. Suma dingâ a dala: Ni sama djivina. Suma dingâ ala: Hawa! Ni ma vit suma woina.

Jean 8:54

Jesus mi hulong dazi ala: Le an subur tanu ni, subur manda ni hawa yak. Ma suburuna nAbunu, ni mam ma agi nga dagi ala mam nAlo magina na.

Sunda hi suma a sunuzinid’a 19:2

Mi djobozi ala: Kid’a agi hagi gagazid’id’a, agi fagi Muzuk ma bei tchod’a ba na ko zu? Azi hulong dum ala: Hawa! Ami humumi nga zlad’a hi Muzuk ma bei tchod’a ba nid’a yami tu d’i.

Sunda hi suma a sunuzinid’a 2:17

Alona mi dala: Kur bur ma danana, an mba ni vo Muzuk mana yam suma pet. Grogi suma andjofâ ki suma aropma a mba djok vun Alona, azungeî magina ahlena a mba nde woi iraziya, momorogei magina adïd’a mba d’i dazi mi na.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Sunda hi suma a sunuzinid’a 2:38

Pierre mi dazi ala: Agi mbud’ugi hurugi yam tcho magid’a, nge nge pî adigagi mi le batemba ki simiyê Jesus Christ, kayam Alona mi vat hurum mbei yam tcho magid’a. Hina wani, Alona mba mi hagi Muzuk ma bei tchod’a ba na hawa.

Sunda hi suma a sunuzinid’a 2:4

Azi pet a oî ki Muzuk ma bei tchod’a ba na, a nde de zlad’a ki vuna hi sumina teteng d’igi Muzu’â mi hazizi á ded’a na.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Sunda hi suma a sunuzinid’a 4:31

Kid’a azi tchen Alonid’a, yima azi nga tok kuana mi yir gigidji, azi pet a oî ki Muzuk ma bei tchod’a ba na, a nga de zlad’a hAlonid’a ki hur ma ade’esâ.

Romê-na 8:9

Wani le Muzu’â hAlonina mi nga kaka kurugiya ni, agi nga tid’igi bugol minda hi sa magi ma adjeunid’a d’i, wani agi tid’igi ni yam minda hi Muzu’â hAloninid’a. Le sana mi nga ki Muzu’â hi Christ-sâ kurum mbuo ni, mam mi sa mama d’i.

2 Korente-na 3:8

sunda hi Muzu’â hAloninid’a nga d’i nde ki subura kalat tuo zu?

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.