Jean 7:37 - Bible azumeina

³⁷ Kur bur ma dabid’a hi vun tilîna, ni bur ma ngolâ, Jesus mi tchol akulo avok ablau suma, mi de ki delem akulo ala: Le sa vunam mi so ni, mi mbeï gevenu, mi tche.

Jean 7:37 Iomraidhean Croise

Nehemi 8:18

A nga ndum kur gata hAlonid’a burâ ki burâ, a tin ad’ud’a ei kur bur ma avo’â dei gak kur bur ma dabid’a. A lü vun tilâ gak burâ kid’iziya, bur ma klavandina a tok tok ka ngola d’igi Gata ti de na.

Sawal la giled’a 143:6

An yo abon akulo avorong á tchenengû, an nga ni hat hurun kang d’igi andaga d’a sod’a nga d’i hat hurut yam mbina na. Tchol ndjö

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Sawal la giled’a 63:1

Ni sawal la gile d’a David mi hlat kid’a mi ring ngei tam abo Saul hur ful ma Juda-nid’a.

Zla d’a d’ogolâ 1:20

Ned’a nga d’i tchi wala woi abu ir palumba, nga d’i de zlad’a ki delet akulo ata yima a tok kua na,

Zla d’a d’ogolâ 8:1

Ned’a nga d’i yi akulo d’uo zu? Wad’ud’a nga d’i de ki delet akulo mi d’uo zu?

Zla d’a d’ogolâ 8:17

An nga ni le yam suma a le kana, suma a nga halana a mba fan mi.

Zla d’a d’ogolâ 8:3

Ti nga d’i er ad’ut akulo avun agre’â ata yima suma a nga kal ki hur azì ma ngolîna, ti nga d’i er ad’ut akulo avun azina ala:

Zla d’a d’ogolâ 9:3

Ti sun yugunei matna, nga d’i yi suma akulo yam yima nding ma hur azì ma ngolîna ala:

Sawal la kal teglesa 5:1

Mi dala: Aman nda hurun vak heîd’a, Gola! An nga ni kal kur asine mana, an nga ni gul mir mana, ki mbul man ma his ma afufuîna, an nga ni te se ayuma ki mbul ayum mana, an nga ni tche süm guguzlu manda kambir manda mi. Buniyôzina a dala: Buniyômina, agi tagiya, agi tchagiya, agi gurud’ugi woi ki od’a d’igi suma a gurut ki süma na.

Isai 12:3

Agi mba gulugi mbina ni ki furîd’a kur golong nga lau d’a suta.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 40:6

Dela ti dan ala: Ang tchi wala! An hulong dala: An tchi wala nana ge? Ti hulong dan ala: Ang tchi wala ala: Suma pet a ni d’igi asuna na, subur mazid’a pet ti ni d’igi b’od’a hasu ma abageinid’a na mi.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Ezekiyel 47:9

Ata yima lara ma mbiyo máma mba mi i kuana, ahle suma arina ad’u andjavazi teteng ki kulufâ a mba zul ngola, kayam mbiyo máma mi mbut mbiyo ma ndjuvuna adjib’eta, ahlena pet a mba kak karid’a mi.

Sunda hi suma hi Levi-nid’a 23:36

Agi hagi ahle suma ngat buzu suma ngala mi an Ma didina gak burâ kid’iziya. Kur bur ma klavandina, agi togogi tok ka a tinit irat vata, agi hagi ahle suma ngat buzu suma ngala mi an Ma didina. Bur máma mba mi mbut ni bur ma agi togogi tok ka ngol la a tinit irat vat zenenda; agi lagi sun nda kaud’a kur bur máma d’i.

Sunda hi suma hi Levi-nid’a 23:39

Kur bur ma dogo yam vahlâ hi til ma kid’iziyanina, fata agi dud’ugi ahle suma agi zumuzi yam ambasina, agi lagi vun tilâ á kud’uron an Ma didina gak burâ kid’iziya. Bur ma avo’â mba mi mbut ni bur ma tuk tad’a, bur ma klavandi ma bugol vun tilîna ni bur ma sabat ma tuk tad’a mi.

Mise 6:9

Ma didina nga mi de zlad’a mi suma a nga kur azì ma ngolîna. Sama ned’a ni sama ge yam kä ad’u ad’eng mambina. Agi suma ad’u andjafâ hi Juda-nina, agi suma pet suma nga toka kur azì ma ngolîna, agi humugiya.

Zakari 9:15

Ma didin ma ad’engêm kal petna mba mi ngomoziya, azi mba b’lak yina, a mba to ahina d’a kur mbiud’id’a woyo, azi mba tche, a mba le vuna gandjau d’igi suma a tche süm guguzlud’ina na, azi mba oî d’igi a oî buzuna kur angala á yamam akulo keng yima ngal ahle suma ngat buzuna na.

Ndumba 29:35

Kur bur ma klavandina agi togogi tok ka ngol la kal lei teglesa, agi lagi sun nda kaud’a kur ri.

Matiye 11:28

Agi pet suma kawagi abo anekina, agi mbeyegï gevenu, agi tugugi tagiya.

Matiye 3:3

Ni Jean ma ma djok vun Alona Isai mi dum zlam ala: Wana ni dela hi ma nga mi er ad’um kur fula ala: Agi minigi lovota hi Ma didinid’a, agi minigi lovot mam mba gureid’a d’ingêru na.

Matiye 5:6

Suma a nga djib’er á le minda hAlonid’a memetna a le furîd’a, kayam Alona mba mi hoboziya.

Jean 1:23

Jean mi hulong dazi ala: An ni dela hi ma nga mi de ki delem akulo kur fulâ ala: Agi minigi lovota hi Ma didinid’a d’igi ma djok vun Alona Isai mi de na na.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Jean 4:11

Atcha ndata ti djobom ala: Banana, golong ndata ni kä yiyik. Ang nga ki gan á gul mbina d’i, ang fe mbiyo ma he arid’ina ni lara ge?

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 5:40

Wani agi min mbagi geven ndala agi fagi arid’a d’a d’i.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

Jean 6:37

Suma Abun mi handjina pet a mba mba gevenu. Sama mba gevena, an mba ni gum mbei abu d’i,

Jean 6:55

Hliwin ni te ma gagazina, buzuwan ni vama tche ma gagazina.

Jean 7:28

Ata yi máma, Jesus nga mi hat suma kur gong nga kud’ora hAlonid’a, mi de ki delem akulo ala: Agi wan gagazi, agi wagi yima an tcholï kuana gagazi mi! Wani an mba ni yam tan ndi. Mam ma sununïna ni Ma gagazina, wani agi wum nga d’i.

1 Korente-na 10:21

Agi ndak á tchagi kopma hi Salad’ina ki kopma hi muzuk ma teteng ma tcho ma fileina zlapa tu d’i. Agi ndak á kagagi avun tabulâ hi Salad’ina ki tabulâ hi muzuk ma teteng ma tcho ma fileina zlapa tu d’uo mi.

1 Korente-na 10:4

Azi pet a tche ni mbina hAlonina mi, kayam azi tche ni mbiyo ma lawï ata ahinad’a hAlona d’a nga d’i tit blogozid’a. Ahina ndata ni Christ.

1 Korente-na 11:25

Bugol tena, mi hle kopma hina mi, mi dazi ala: Kop ma wana ni vun ma djin ma awilina hAlona ma mi djinim ki buzuwana. Ata yima lara ma agi nga tchagizina, ar agi lagi hina á djib’eregi kanu.

1 Korente-na 12:13

Kayam Muzuk ma tu máma ba, mi lei batemba á mbud’i hliu ma tuna, le ni Juif-fâ d’oze andjaf suma dingâ, d’oze magumeina d’oze gro vuta, ei pet tchei ni kur Muzuk ma tu máma mi.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.