Jean 7:28 - Bible azumeina

²⁸ Ata yi máma, Jesus nga mi hat suma kur gong nga kud’ora hAlonid’a, mi de ki delem akulo ala: Agi wan gagazi, agi wagi yima an tcholï kuana gagazi mi! Wani an mba ni yam tan ndi. Mam ma sununïna ni Ma gagazina, wani agi wum nga d’i.

Jean 7:28 Iomraidhean Croise

Sawal la giled’a 9:10

Ma didina, angî yima ngeid’a hi suma suma a nga lazazina; ata yima ndaka nga na, angî yima ngeid’a hi sumina.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Jeremi 9:6

A nga mbut ir taziya. Ni kayam mbut ir mazid’a ba, a noî á hulongî gevenu.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Wana ni mbaktumba hi Oze-d’a 5:4

Sun mazid’a nga d’i arazi lovota á hulongî gen an Alo mazina d’i, kayam muzuk ma gaulangâ mi nga adigaziya, kayam azi wan nga an Ma didina d’i.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 2:23

Mi i kak kur azì ma a yum ala Nazarat-na, kayam zla d’a suma djok vun Alona a dat ala: A mba yum ala Ma Nazarat-na d’a, ti ndak memet.

Matiye 26:55

Ata yi máma, Jesus mi de mablau suma ala: Agi mbagi ki mbuguyo suma fuyogeina ki tutuguyona abogi á van d’igi sama kula na? Burâ ki burâ an nga kaka kur gong nga kud’ora hAlonid’a, nga ni hat suma, wani agi van nga d’i.

Wana ni Zla d’a Djivi d’a Luc mi b’irita 10:22

Mi de mi suma ala: Abun han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Wana ni Zla d’a Djivi d’a Luc mi b’irita 2:11

Kayam a vud’ugiya wa Ma Suta ini kur azina hi David-na, ni Christ, Salad’a.

Wana ni Zla d’a Djivi d’a Luc mi b’irita 2:39

Kid’a Jesus simiyêm a lahlena pet ndak yam gata hi Salad’id’a, a hulong Galile kur azì mazi ma ngol ma Nazarat-na.

Wana ni Zla d’a Djivi d’a Luc mi b’irita 2:4

Josef mi tcholï kur azì ma ngol ma Nazarat ma Galile-na, mi i yam andaga d’a Jude-d’a kur azì ma ngol ma a yum ala Betelehem ma ni yima a vut amul ma ngolâ David kuana, kayam Josef tamba nandjafâ hi David-na.

Wana ni Zla d’a Djivi d’a Luc mi b’irita 2:51

Mi hulong ki sed’ezi kur azì ma ngol ma Nazarat-na, mi ge yam kä ad’u zla mazid’a, wani asum mbi ngom zla ndata kurud’u, ti djib’er yam ahle ndazina pet mi.

Jean 1:46

Natanayel mi dum ala: Na ni vama djivi mi ndak á ndeï woi kur Nazarat tchu? Filip mi hulong dum ala: Ang mbeï gola.

Jean 10:36

ni nana ba, agi nga dagi yam an ma Abun mi manan mi sununï kur duniyad’ina ala: Ang nga las Alona, ni kayamba an dala: An nAlona Goroma d’a zu?

Jean 12:49

Kayam an nga ni de va yam tan ndi, wani Abun ma mi sununïna ba, mi han vuna yam vama an nga ni duma ki zla d’a an mba ni data mi.

Jean 14:10

Ang nga he gagazid’a ala an nga kur Abunu, Abun mi nga kurun mi d’uo zu? Zla d’a an nga ni dagizi d’a wanda ni manda d’i, nAbun ma nga kuruna ba, nga mi ndak vun sun mamba.

Jean 14:31

wani mbeî suma kur duniyad’ina a wala an nga ni le yam Abunu, an nga ni le d’igi Abun mi han vuna na mi. Agi fagagi akulo, ei i sä hî.

Jean 16:3

Azi mba lagi hina kayam azi we nga Abun ndi, a wan nga an nduo mi.

Jean 17:25

Abun ma d’ingêrâ, suma duniyad’a a wang nga d’i, wani an wangû, suma ang handjina a wala ni ang ba sununïya mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Jean 3:33

Sama ve zla mambina, nga mi tagam mbei abu ala Alona ni Ma gagazina.

Jean 5:32

Sama ding ma le glangâsâ kana mi nga. An we glangâs mam ma nga mi lum kana ni gagazi.

Jean 5:43

An mba ki simiyê Abunu, wani agi van nga atagi d’i. Le sama dingâ mi mba ki simiyêm mam tamba ni, agi mba vum atagiya.

Jean 6:42

Azi dala: Wana ni Jesus Josef goroma d’uo zu? Ni ma ei wum abum azi kasuma d’uo zu? Ni nana ba, mi dala: An tcholï nakulo ge?

Jean 7:14

Mba aduk vun til máma d’ad’ar, Jesus mi kal kur gong nga kud’ora hAlonid’a, mi nga hat suma.

Jean 8:14

Jesus mi hulong dazi ala: Le an le ni glangâsâ yam tan pî, glangâs mana ni gagazi, kayam an we yima an tcholï kuana ki yima an i kuana mi, wani agi wagi nga yima an tcholï kuana d’oze yima an i kuana d’uo mi.

Jean 8:16

Wani, le an ka sariyad’a pî, sariya manda ni gagazi, kayam an ni van tu d’i, wani an ni kAbun ma sununïna.

Jean 8:19

Kayam ndata, azi djobom ala: Abung mi nga ni lara ge? Jesus mi hulong dazi ala: Agi wan nga an ndi, agi wagi nga Abun ma sununïna d’uo mi. Ladjï agi wanu ni, agi mba wagi Abun mi.

Jean 8:26

An nga ki zla d’a ngola kagi á ded’a, á ka sariyad’a kagi mi. Wani mam ma sununïna, ni Ma gagazina. An nga ni de mi suma yam andagad’ina vama an humumï avunama.

Jean 8:42

Jesus mi dazi ala: Ladjï Alona nAbugiya ni, agi mba lagi kanu, kayam an tcholï ni gen Alona ba, ni mba wana, kayam an mba ni yam tan ndi, wani ni mam ba, mi sununïya.

Jean 9:29

Ami wami ala Alona mi de zlad’a mi Moise. Wani sa máma, ami wami nga yima mi tcholï kuana d’i.

Sunda hi suma a sunuzinid’a 17:23

Kayam ata yima an nga ni kal kur azì ma ngolîna, an wahle suma agi nga kud’urozina. An fe yima ngal ahle suma ngat buzu ma dingâ, a b’ir atam ala: Ni malo ma bei wuma. Kayam alo ma agi nga kud’urom bei wuma ba na, an nga ni dagi kamu.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Romê-na 3:4

Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala: Suma a mba wang Ma d’ingêrâ nata zla mang nga ded’a. Le azi mbang ata yima ka sariyad’a ni, ang mba kus kaziya.

2 Korente-na 1:18

D’igi Alona ni Ma d’engzengâ na, zla d’a ami dagizid’a nga ni  ki Hawa d’i.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

1 Jean 5:10

Sama he gagazid’a yam Alona Goromina, mi nga ki glangâs mama kurumu. Sama he gagazid’a yam Alona d’uo na, mi mbut Alona ni ma ka zlad’a, kayam mi he nga gagazid’a yam glangâs ma Alona mi lum yam Goromina d’i.

1 Samuel 2:12

Eli groma ni suma zlazi nga d’uo na, a we nga Ma didina d’i.