Jean 7:24 - Bible azumeina

²⁴ Ar agi kagi sariyad’a yam vama agi wagizi ki iragi hawa go na d’i, wani ar agi kagi ni sariya d’a d’ingêra.

Jean 7:24 Iomraidhean Croise

Sawal la giled’a 82:2

Mi dazi ala: Agi mba kagi sariyad’a bei d’ingêra á djik suma asa’atna akulo hina gagak mindja ge? Tchol ndjö

Zla d’a d’ogolâ 17:15

Sama nga mi pat zlad’a woi yam sama asa’atna ki sama nga mi ve sama d’ingêrâ ki zlad’ina, azi djak ni vama ndjendjed’a ir Ma didina.

Zla d’a d’ogolâ 24:23

Wana ni zla d’a tcholï ata suma ned’id’a: Nga djivid’a á ka ir suma ata yima ka sariyad’a d’i.

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Zakari 7:9

Ang ge hum suma yam zla d’a an Ma didin ma ad’engên kal petna ni dat adjeu ala: Agi kagi sariya d’a d’ingêra, agi wagi hohou tagiya,

Jean 7:25

Kayam ndata, suma hiuna aduk suma Jerusalem-ma, a dala: Wana ni mam ma a nga halam á tchid’ina d’uo zu?

Jean 8:15

Agi kagi sariyad’a ni yam minda hi sumid’a, an nga ni ka sariyad’a yam sa d’i.

2 Korente-na 10:7

Agi nga gologi ahle suma a nga abu pid’ak iragina. Le sama djib’er ala mam mi sana hi Christ-sâ ni, ar mi djib’er hina ala ami tami ni suma hi Christ-sâ d’igi mam na mi.

Jacques 2:1

B’oziyona, agi suma hagi gagazid’a yam Saleina Jesus Christ ma suburina, agi kagi ir sa d’i.

Jacques 2:4

agi kagi ni ir tagi d’uo zu? Agi mbud’ugi ni suma ka sariyad’a kur djib’er ra tchod’ina.

Jacques 2:9

Wani le agi nga kagi ir suma ni, agi lagi ni tchod’a. Gata nga d’i kagi sariyad’a kagi kayam agi gagi nga yagi kä ad’ut ti.