Jean 6:39 - Bible azumeina

³⁹ Wana ni minda hi mam Ma sununïna ala suma mi handjina pet, ar an ba sa woi adigazi tu d’i, wani an tcholozi akulo aduk suma matna kur bur ma dabid’a.

Jean 6:39 Iomraidhean Croise

Jeremi 23:4

An mba ni tin suma pol suma dingâ kazi á poloziya. Tumiyô mana a mba le mandar roze a mba zlak kuo mi, tu mba mi ba woi adigazi d’uo mi. An Ma didina ni de na.

Matiye 10:15

Gagazi, an nga ni dagiya, kur bur ma ka sariyad’a, sariya d’a a mba kat yam azì ma ngol mámid’a, kal la a kat yam Sodom ki Gomor-ra.

Matiye 18:14

Kayam ndata, Abugi ma sä akulona mi min ala ma tu ma aduk gugurei suma wana mi ba woi d’i.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Jean 12:48

Sama noyôn ndei ma ve zla manda d’uo na, ma mba mi kam sariyad’a kama mi nga. Zla d’a an data, ni ndat ba, mba d’i kam sariyad’a kam kur bur ma dabid’a.

Jean 17:12

Kid’a an nga ki sed’ezid’a, an ngomozi ki simiyêng ma ang handjina, an nga ni ngomozi mi. Sa adigazi tu ba nga woi d’i, ni ma a tinim á bad’a woina hol, kayam zla d’a a b’irit kur mbaktum mangid’a ti ndak memet.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Jean 17:6

An tagang simiyêng ngei mi suma ang handji kur duniyad’a ka hina. Azi ni mangâ; ni ang ba, handjiya, azi nga ngom zla manga mi.

Jean 17:9

An nga ni tcheneng kaziya, an nga ni tchenengî yam suma duniyad’a d’i, wani ni yam suma ang handjina, kayam azi ni mangâ.

Jean 18:9

Mi de hina, kayam zla d’a mam dat ala: Suma ang handjina, sa adigazi tu ba woi d’uo d’a ti ndak memet.

Jean 5:28

Agi lagi atchap kayam ndata d’i, kayam yina nga mi mba, ata yi máma, suma mat suma a nga kur zulina pet, a mba humun delenu,

Jean 6:37

Suma Abun mi handjina pet a mba mba gevenu. Sama mba gevena, an mba ni gum mbei abu d’i,

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

Jean 6:44

Sana mi ndak á mba geven bei Abun ma sununïna mi tanamï d’i; sama mi mbana an mba ni tcholom akulo aduk suma matna kur bur ma dabid’a mi.

Jean 6:54

Sama mi tan hliwin mi tchan buzuwan mi na, mi nga kari d’a didinda; an mba ni tcholom akulo aduk suma matna kur bur ma dabid’a mi.

Romê-na 8:11

Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

1 Korente-na 6:14

Alo ma tchol Salad’a akulo aduk suma matna karid’ina, mba mi tcholei akulo karid’a kad’eng mamba mi.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Jacques 5:15

Tchen nda a tchenet ki he gagazid’id’a mba d’i sut sama tugud’ei máma, Salad’a mba mi tcholom akulo mi. Le mi le tchod’a ni, Alona mba mi vat hurum mbei kamu.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

Jude 1:1

Ni an Jude ma sunda hi Jesus Christ ma Jacques wiyemina. An nga ni b’ir mbaktumba mi agi suma Alona Abui mi yagi suma nga mi le kagi heî suma nga mi ngomogi zlapa ki Jesus Christ-sâ.

1 Samuel 25:29

Le sa hle yam akulo á diging á tchangû ni, Ma didina Alo mangâ mba mi ngomong ata yima ngeid’a gevem aduk suma. Wani mba mi dur mang suma djangûna sä woi hina dei d’igi sana mi dur sana ki mbiud’a na.