Jean 6:27 - Bible azumeina

²⁷ Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Jean 6:27 Iomraidhean Croise

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Sawal la giled’a 40:7

Ang tang nga lang djivid’a yam vama ngat buzuna ki he d’a hawad’a hi d’uwarîd’a d’i, wani ang malan human ndei á hum zla manga. Ang min nga vama ngat buzu ma ngala, d’oze vama ngat buzu ma zlup yam tchod’a woina d’uo mi.

Zla d’a d’ogolâ 9:5

Agi mbeyegïya, agi tagi te mana, agi tchagi süm guguzlu d’a an gizeyêta.

Ma tchi wala 6:7

Sana mi fe ndaka pet ni yam te ma avunama, wan pî, a nga ndagam mbi.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Habakuk 2:13

Le Ma didin ma ad’engêm kal petna mi he nga vuna á le va d’uo ni, suma a le sunda ni makud’a, a kau tazi ni hawa mi.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Matiye 6:19

Jesus mi had’azi kua ala: Ar agi togogi ndjondjoî magid’a ka hî yam andagad’a d’i, kayam ni yima fotna ki tchora a b’lagazina, ni yima suma kula a hulut gonga á kuluzina mi.

Matiye 8:20

Jesus mi hulong dum ala: Beyaka ti nga ki zulud’u, aluweina a nga ki aziyaziya, wani an Gor Sana ni nga ki yima ni nik yan kuana d’i.

Marik 1:11

Ata yi máma dela ti tcholï akulo ti dala: Angî Goron ma an hurun vang heîna; tan ndi lan djivid’a heî kangû.

Marik 9:7

D’ugula ti mba, ti kulubuzi kanguzad’u, dela ti tcholï kur d’ugula, ti dala: Wana ni Goron ma an hurun vum heîna; agi humugiziya.

Wana ni Zla d’a Djivi d’a Luc mi b’irita 3:22

Muzuk ma bei tchod’a ba na mi surop kamu, mi hle tam d’igi gugud’a na. Dela ti tcholï akulo, ti dala: Angî Goron ma an hurun vang heîna; tan ndi lan djivid’a heî kangû.

Wana ni Zla d’a Djivi d’a Luc mi b’irita 9:35

Dela ti tcholï kur d’ugula, ti dala: Wana ni Goron ma an manama; agi humugiziya.

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Jean 11:42

An we tcha ala ang nga humun teteu, wani an de ni yam ablau suma nguyun wana, kayam azi fe lovota á he gagazid’a ala ni ang ba, sununïya.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Jean 3:15

kayam sama lara pî ma he gagazid’a kama, mi nga kari d’a didinda.

Jean 3:33

Sama ve zla mambina, nga mi tagam mbei abu ala Alona ni Ma gagazina.

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

Jean 6:47

Gagazi, an nga ni dagiya, sama he gagazid’a kana, mi nga kari d’a didinda.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

Jean 6:53

Kayam ndata, Jesus mi dazi ala: Gagazi, an nga ni dagiya, le agi tagi hliwin an Gor Sana d’uo, le agi tchagi buzuwan nduo mi ni, agi nga karid’a kurugi d’i.

Jean 6:54

Sama mi tan hliwin mi tchan buzuwan mi na, mi nga kari d’a didinda; an mba ni tcholom akulo aduk suma matna kur bur ma dabid’a mi.

Jean 6:58

Wana ni te ma tcholï akulona: Mi nga ni d’igi te ma abuyogi ngolo a tum pî a bo ki na na d’i. Sama te te ma wanina mba mi kak karid’a gak didin.

Jean 6:62

Wani fata agi le wagi an Gor Sana djak wa akulo ata yima an nga kua avo’â ni, agi mba lagi ni nana ge?

Jean 6:68

Simon Pierre mi hulong dum ala: Salamina, ami imi ni gen nge ge? Ni ang ba, nga ki zla d’a ari d’a didinda.

Jean 8:18

An ni ma nga ni le glangâsâ yam tana, Abun ma sununïna nga mi le glangâsâ kan mi.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Romê-na 4:11

Bugola, a ngad’am bayâd’a, wani bayâ mam mba ngata ni d’igi geuna na á tagei woi ala kid’a mam bei ngat bayâd’a tua d’a, Alona mi mbud’um sama d’ingêrâ yam he gagazi mamba. Kayam ndata, Abraham nabu suma a he gagazid’a yam Alonina pet. Le sum ndazina a ngat nga bayâd’a d’uo pî, Alona mi ndumuzi ni suma d’ingêrâ.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

1 Korente-na 6:13

Agi nga dagi ala: Tena ni yam haid’a, haid’a ni yam tena mi. Gagazi, wani Alona mba b’lagazi woi djak. Hliu tad’a nga ni yam mizeuna d’i, wani ni yam Salad’a. Salad’a ni yam hliu tad’a mi.

1 Korente-na 9:2

Le suma dingâ wan ngala an ni ma a sunuma d’uo pî, agi wagi ala gagazi, an ni ma sun magina. Agi ni vama taka yam sun manda yam Salad’id’a.

2 Korente-na 4:18

Kayam ami nga tinimi irami ni yam vama suma a nga wum ki irazina d’i, wani ami nga tinimi irami ni yam vama suma bei wum ki irazina. Kayam vama suma a wuma ni vama kak didina d’i, wani vama suma bei wuma ni vama kak gak didina.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Gat ta a hat á mbàd’id’a 30:13

Mi sä nabo alum ma ngolâ abo hî ba, agi mba dagi ala: Ni nge ba, mba mi djak alum ma ngolâ, mba mi veizï ei mba humum á lei sunda kam ge d’uo mi.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Kolos-sâ 1:29

Kayam ndata, an nga ni le sunda, an nga ni dur ayîna kad’eng nga Christ mi handjid’a, nad’eng nga nga d’i le sun nda kurunda.

Kolos-sâ 2:22

Ahle ndazina pet, le sana nga laziya ni, mba mi ba woi ki sed’eziya. Ahle ndazina pet a ni gata ki hata hi sumid’a hol.

Kolos-sâ 3:2

Ar agi tinigi hurugi ni yam ahle suma sä akulona, wani agi tinigi hurugi yam ahle suma yam andagad’a ka hina d’i,

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Hebre-na 12:16

Agi gologi tagi djiviya, ar sama mizeuna d’oze sama bei le mandara Alonina kak adigagi d’igi Esau ma gus ngol mamba woi ki te ma ngiyeûnina na d’i.

Hebre-na 4:11

Kayam ndata, ei b’ad’ei tei á kalei ata yima tuk ta máma. Ar sa adigei mi so vuna d’igi suma adjeu hur fulâ a so vuna á kid’ak kei bei kal ata yima tuk tad’a na d’i.

Jacques 1:11

Kayam afata ti deyâ, ayât mi nde kä, asuna mi so woyo, b’o mamba ti yak keyo, djif mama mi dap pei mi. Sama ndjondjoîna mba mi wal lei kahle mama ni hina mi.

1 Pierre 1:24

D’igi mbaktumba hAlonid’a ti de na ala: Suma pet a ni d’igi asuna na, subur mazid’a ti ni d’igi b’od’a hasu ma abageinid’a na mi. Asuna mi so, b’o mamba ti yak keyo,

2 Pierre 1:17

Kayam Abum Alona mi hum mi suburum ata yima dela ti tcholï ata subur ra ngol la kal papad’a ala: Wana ni Goron ma an hurun vum heîna, ni ma tan ndi lan djivid’a heî kama na.