Jean 5:4 - Bible azumeina

⁴ Kayam malaikana hi Salad’ina nga mi tchuk asem kä aduk mbina burâ tutu á gizeî mbina. Bugol gizeîd’a hi mbinid’a, sama surop kä avo’â, mi sut tei kur tugud’ei mam mba lumba.]

Jean 5:4 Iomraidhean Croise

2 Amuleina 5:10

Elise mi sun sana mi dum ala: Ang i mbus tang kä kur alum ma Jurdê-na mbumbus yang kid’iziya, ang mba yak kei yuyung.

Sawal la giled’a 119:60

An nga ni le lilinga d’i, an nga ni b’at tan á ngom vun mang ma hed’a.

Zla d’a d’ogolâ 6:4

Ar ang bur sen ndi, ang rimek irang kä bei ang ndak vun zla ndata d’uo mi.

Zla d’a d’ogolâ 8:17

An nga ni le yam suma a le kana, suma a nga halana a mba fan mi.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Ezekiyel 47:8

Mi dan kua ala: Mbiyo máma mba mi djang iram abo ma yorogona, mi djak mi i kur hor ra Jurdê-d’a gak mi mba kur apo d’a Matna. Ata yima mi kal kur apod’ina, mbiyo mat ma ndjuvuna mba mi mbut adjib’eta.

Wana ni mbaktumba hi Oze-d’a 13:13

Ndaka mba d’i nde kazi ni d’igi vuta ti nde yam atchad’a na. Azi ni d’igi gor ma yam nga d’uo na na. Ata yima yam ma vuta nda’â, nga mi ndeï woi kur asum mbi.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Zakari 14:8

Kur bur máma mbiyo ma he arid’ina mba mi djangî woi kur Jerusalem. Abom ma hina mba mi i iram kur apo d’a Matna abo ma yorogona, abom ma hina mba mi i iram kur alum ma ngol ma Mediterane-na abo ma fladegena mi, a mba le hina andol kawaliya.

Matiye 11:12

A tinï ad’ud’a kur atchogoid’a hi Jean ma le suma batembina dei gak ini, suma a nga b’at leu d’a akulod’a ni kad’enga, ni azi suma a b’ad’at kad’engî ba a hlat mi.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Wana ni Zla d’a Djivi d’a Luc mi b’irita 13:24

Agi b’ad’agi tagi á kal avun agrek ma mbed’etna, kayam an nga ni dagiya, suma ablaud’a a mba hal lovota á kal kua, wani azi mba ndak ki.

Wana ni Zla d’a Djivi d’a Luc mi b’irita 16:16

Gata hi Moise-sa ki mbaktumba hi suma djok vun Alonid’a a ei nadjeu dei gak mba kur atchogoid’a hi Jean ma le suma batembid’a. Tin ad’ud’a kur bur máma dei gak suma a nga tchi wal Zla d’a Djivid’a yam leud’a hAlonid’a. Nge nge pî nga mi b’at tam kad’enga á kal kua.

Jean 5:3

Ad’u azang máma suma tugud’eid’a ablaud’a a nga burâ kä ad’umu, ni suma duka ki suma dileîd’a ki suma gugutud’a. [Azi nga djup gizeîd’a hi mbinid’a.

Jean 5:5

Ata yi máma, sana nga, ni ma le tugud’eid’a bizad’a dok hindi yam klavandina.

Jean 5:7

Sama tugud’eid’a mi hulong dum ala: Bäna, ata yima a nga gizeî mbinina, an nga ki sama gan kuana d’i. Wani ata yima an nga ni i tua na, sama dingâ mi ge wa tam kä avoron da’.

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.