Jean 5:37 - Bible azumeina

³⁷ Abun ma sununïna, mi le wa glangâsâ kanu. Agi humum nga delem yagi tu d’i, agi wum nga iram mbuo mi.

Jean 5:37 Iomraidhean Croise

Buzuk ka Abud’a 20:19

A de mi Moise ala: Ang tang dami zlad’a; ami mba humumiya. Wani ar Ma didina mi dami zlad’a ba ami bomi woi d’i.

Isai 26:10

Le sana nga mi we hohowa sama asa’atna ni, nga mi hat á tit tit ta d’ingêra d’i, nga mi mba ki tchod’a yam ambas sa d’ingêra, nga mi djib’er yam ngola hi Ma didinid’a d’uo mi.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Marik 1:11

Ata yi máma dela ti tcholï akulo ti dala: Angî Goron ma an hurun vang heîna; tan ndi lan djivid’a heî kangû.

Wana ni Zla d’a Djivi d’a Luc mi b’irita 24:27

Jesus mi tin ad’ud’a kur mbaktumba hi Moise-sa ki d’a hi suma djok vun Alonid’a pet, nga mi vazi ad’ud’a kur mbaktumba hAlonid’a pet yam ahle suma a dazi kama.

Wana ni Zla d’a Djivi d’a Luc mi b’irita 3:22

Muzuk ma bei tchod’a ba na mi surop kamu, mi hle tam d’igi gugud’a na. Dela ti tcholï akulo, ti dala: Angî Goron ma an hurun vang heîna; tan ndi lan djivid’a heî kangû.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 14:9

Jesus mi dum ala: Filip, an kak ki sed’egi dei gak ini, ang wan nga d’uo? Sama wana, mi wAbun mi. Ni nana ba, ang dala: Ang tagami Abung nge?

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 5:32

Sama ding ma le glangâsâ kana mi nga. An we glangâs mam ma nga mi lum kana ni gagazi.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Jean 8:18

An ni ma nga ni le glangâsâ yam tana, Abun ma sununïna nga mi le glangâsâ kan mi.

Gat ta a hat á mbàd’id’a 4:12

Ma didina mi dagi zlad’a aduk akud’a; agi humum zla mam mba ded’a, wani agi wum nga iram mbi; agi humumî delem mba ded’a hol.

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

1 Timote 6:16

Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

1 Jean 4:12

Sa tu pî mi we nga Alona ki iram mbi. Le ei nga lei yam teya ni, Alona mi nga kaka kuriya, o mamba ndak memet kuri mi.

1 Jean 4:20

Le sana mi dala: An le yam Alona, le mi noî wiyema woyo ni, mam mi ma ka zlad’a. Le mi le nga yam wiyem ma mam wum ki irama d’uo ni, ni nana ba, mi le yam Alo ma mam wum nga ki iram mbuo na ge?

1 Jean 5:9

Le ei nga vei glangâsâ hi sumina ni, glangâsâ hAlonina ba ngola kala. Glangâs máma ni glangâs ma Alona mi lum yam Goromina.