Jean 5:35 - Bible azumeina

³⁵ Jean ni lalam mba nga d’i ngal la nga d’i b’od’a mi. Agi lagi furîd’a kur b’o mata ndjö.

Jean 5:35 Iomraidhean Croise

2 Samuel 21:17

Wani Abisai Seruya gorotna mi mba mi ndjun David, mi tchi ma Filistê máma. Ata yi máma suma hi David-na a gun tazi a de mi David ala: Ang dok i dur ayîna ki sed’emi tala ang tchi vun adjo ma ar helâ hi Israel-lîna woi d’uo d’a.

Buzuk ka Abud’a 34:35

Israel-lâ a gol ir Moise. Gol wani, iram nga d’i wile. Moise mi hulong barud’a tchuka iram gak ata yima mi kal á de zlad’a ki Ma didinina tua ba, mi yot tei iramu.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Daniel 12:3

Suma ned’a a mba b’o wile d’igi hur alona na, suma a mba hat suma ablaud’a d’ingêrina a mba wile d’igi tchitchiud’a na burâ ki burâ gak didin.

Matiye 11:11

Gagazi, an nga ni dagiya, aduk suma aropma a vud’uzina pet, ma kal Jean ma le suma batembina ki ngolina nga d’i. Wani ni ma gor ma nga kur leu d’a akulod’ina ba, mi kalam ki ngola.

Matiye 21:26

Wani le ei dei wa ala: Suma sunumï ni aziya ni, ei lei ni mandara suma, kayam suma pet a we Jean ala ni ma djok vun Alona.

Marik 1:5

Suma kur ambas sa Jude-d’a ki suma Jerusalem-ma pet a buzuk iza gevemu. Azi de tcho mazid’a woyo, tua ba mi lazi batemba kur alum ma Jurdê-na.

Marik 6:20

kayam Herot nga mi le mandara Jean, kayam mi wumu, ni sama d’ingêrâ, ni ma yed’etna mi. Mi ngomom djivid’a. Ata yima Herot mi hum zla mambina, nga mi djib’er kat ngola, nga mi humum ki furîd’a mi.

Wana ni Zla d’a Djivi d’a Luc mi b’irita 7:28

An nga ni dagiya, aduk suma aropma a vud’uzina pet ma kal Jean ma le suma batemba ki ngolina nga d’i. Wani ni ma gor ma nga kur leud’a hAlonid’ina ba, mi kalam ki ngola.

Jean 6:66

Kid’a azi hum hina d’a, mam suma hata ablaud’a a yo tazi woi ad’umu, a dok tit ki sed’em mbuo d’a.

2 Pierre 1:19

Kayam ndata, ei tini huri memet yam zla d’a suma djok vun Alona a dat teid’a. Djivid’a agi vagizi kurugi d’igi lalam mba nga d’i b’o kur yima nduvundid’a na gak yina fo, ar avevel ma fo yina mi b’o kurugiya.