Jean 5:26 - Bible azumeina

²⁶ D’igi Abun tamba ni sala arid’a na, mi tinin an tan Goroma ni sala arid’a mi.

Jean 5:26 Iomraidhean Croise

Sawal la giled’a 36:9

Azi nga hop kahle suma zul avo hatang heîna, ang nga hazi mbiyo alum mang ma djivina á tched’a.

Sawal la giled’a 90:2

Avok kid’a ang bei lahuniyôna kandagad’a ki duniyad’a tua d’a, adjeu dei gak ini burâ ki burâ angî Alona.

Buzuk ka Abud’a 3:14

Alona mi de mi Moise ala: AN NI MA NGA NA. Mi dum kua ala: Wana ni zla d’a ang mba hulongôt ded’a mi Israel-lîd’a: Ma yi tam ala AN NGA na, mi sununï gevegi ni mamu.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jean 1:4

Arid’a nga kurud’u; ari ndata ni b’od’a hi sumid’a.

Jean 10:18

Sana nga kad’enga á tchan ndi, wani an tanda nga ni he tan ndei á matna. An nga kad’enga á he tan ndeyo, an nga kad’enga á tchol tan akulo mi. NAbun ba, mi han vun ma he máma.

Jean 11:25

Jesus mi dat ala: An ni Ma tchol suma matna ni Ma hazi arid’a mi na. Sama he gagazid’a kana, le mi mid’u pî, mba mi kaka karid’a.

Jean 11:26

Sama lara pî ma nga karid’a ma nga he gagazid’a kana, mba mi mit ti gak didin. Ndak he gagazid’a yam zla ndata zu?

Jean 14:19

Ar ndjö, suma duniyad’a a mba wan nduo d’a, wani agi mba wan kayam an nga karid’a, agi mba kagagi karid’a mi.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Jean 6:57

D’igi Abun ma arina mi sununï an nga karid’a yam Abun mi na, sama tana mba mi kak karid’a kan an mi.

Jean 8:51

Gagazi, an nga ni dagiya, le sama ngom zla manda ni, mba mi mit ti gak didin.

Sunda hi suma a sunuzinid’a 17:25

Nga mi min suma á ndjunum mbi, kayam nga mi kid’ak va d’i, kayam mam mi ma he arid’a mi sumina, mi hazi muzuka kahlena pet mi.

1 Korente-na 15:45

Kayam mbaktumba hAlonid’a ti dala: Adam mi sama avo’â, Alona mi mbud’um sama arina, wani Adam ma danana ni Muzuk ma mi he arid’a mi sumina.

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

1 Timote 6:16

Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.