Jean 5:14 - Bible azumeina

¹⁴ Bugol ahle ndazina, Jesus mi fum kur gong nga kud’ora hAlonid’a, mi dum ala: Gola! Ang sut wa da’. Ang dok le tcho d’uo d’a, kayam vama tcho ma kal ma wana mi lang nguo d’a.

Jean 5:14 Iomraidhean Croise

2 Sunda Hamuleinid’a 28:22

Amulâ Ahas kur ndaka hina pî, nga mi i avogovok ki sun nda ata yat tuo d’a avok Ma didina.

Nehemi 9:28

Ata yima azi nga kur halasina, a hulong le tchod’a avorongû. Ni hina ba, ang arazi abo mazi suma djangûna; a te kaziya. Wani a hulong a tchi kang kua d’ei, ang tang humuzï akulo d’ei, yam we hohou mang nga ngola, ang sud’uzi woi yang dodogo.

Sawal la giled’a 118:18

Ma didina mi ngobonu, wani mi han nga abo matna d’i.

Sawal la giled’a 18:22

Kayam an nga ni tit kur lovota hi Ma didinid’a, an le nga asa’ata avor Alo mana d’i.

Sawal la giled’a 27:6

Ki tchetchemba, an hle yan akulo yam man suma djangû suma a nguyuna, an mba ni he vama ngat buzuna ki furîd’a ngola kur zlub’u mamba, an mba ni ge sawala, an mba ni gile Ma didina mi.

Sawal la giled’a 9:13

Mam mi sama sä atchugul suma a tchazina, nga mi djib’er kazi mi, nga mi mar yam tchina hi suma hohoud’ina d’i.

Isai 38:20

Ma didina mi sud’un wa. Ei mba gilem kur gong mamba kahle suma bud’a ata yima ei nga ki irei yam andagad’ina pet mi.

Isai 38:22

Ezekiyas mi djop wa ala: Ni simad’a me ba, an mba ni wala an mba ni kal kur gong nga kud’ora hi Ma didinid’a kua ge?

Sunda hi suma hi Levi-nid’a 13:20

Ma ngat buzu máma mi golomu. Le ndal la atam ndata irat ti djugot kä, tumuzum ti mbut hapa mi ni, mi de woi kam ala: Sama wana ni sama ndjendjed’a! Ni tugud’ei libina ba, mi hubuk ir mbil máma wana.

Sunda hi suma hi Levi-nid’a 26:27

Le an lagi ahle ndazina hina pet ba, agi humun nga d’i, agi tchologi ad’enga ki sed’enu ni,

Sunda hi suma hi Levi-nid’a 7:12

Le sana mi he he d’a hawa d’a le mersid’a ni, mi hat ni ki vama ngat buzu ma le mersid’a ki fangasu ma bei angufa ma a lum ki mbulîna ki woî ma a yamam mbulâ kama, zlapa kafut ta adiged’i d’a a lat woî ma a tib’egem ki mbulîna mi.

Matiye 12:45

Wani mi iya, mi yoï muzuk ma tcho ma dingâ kid’iziya ma kalam ki tchod’ina, a tchuk kur gong ndata, a kak kua. Sa máma tcho mam mba dananda mba d’i kal la avoka. A mba le hina dedege ki suma tcho suma kur atchogoi d’a wandina mi.

Marik 2:5

Kid’a Jesus mi we he gagazi mazid’id’a, mi de mi ma gugutud’a ala: Gorona, an vat wa hurun ndei yam tcho manga da’.

Jean 5:13

Wani sama sut tei kur tugud’ei mambina, mi we nga sama mi sud’uma d’i, kayam Jesus mi nde woi ata yi máma, kayam ablau suma a nga kua.

Jean 5:5

Ata yi máma, sana nga, ni ma le tugud’eid’a bizad’a dok hindi yam klavandina.

Jean 8:11

Ti dum ala: Salana, sa nga d’i. Jesus mi dat ala: An tanda nga ni kak sariyad’a kak kuo mi; ndak iya, ndak dok le tchod’a d’uo d’a.]

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.