Jean 4:40 - Bible azumeina

⁴⁰ Kayam ndata, suma Samari-na a mba gevemu, a tchenem ala mi kak ki sed’eziya. Jesus mi kak ki sed’ezi burâ mbà.

Jean 4:40 Iomraidhean Croise

Ad’u Tinda 32:26

Sa máma mi de mi Jakob ala: Ang aranu, kayam yina ar go á fod’a. Jakob mi hulong dum ala: An arang ngi. Ang b’e vunang kan tua.

Zla d’a d’ogolâ 4:13

Ang ve hat manda, ang tchuk abong ngei atat ti; ang ngomod’u, kayam ndat nari manga.

Sawal la kal teglesa 3:4

An gazi woi hina nde, an fe ma an hurun vum heîna. An vumu, an tchugum nga d’i gak an kal ki sed’em avo hasunu, klavi hi d’a vud’unda.

Jeremi 14:8

Ang ma Israel-lâ a tin huruzi kangâ, ang ma sud’uzi woi ata yima ndaka mba kazina, ni kayam me ba, ang kak d’igi sama ding ma mi kal tita kur ambasina na d’oze d’igi akoi ma mi ve zlub’ud’a á le bur tu go na na ge?

Wana ni Zla d’a Djivi d’a Luc mi b’irita 10:39

Wiyeta nga, simiyêt ala Marie. Marie ti kak kä asem Salad’a á hum zla mamba.

Wana ni Zla d’a Djivi d’a Luc mi b’irita 24:29

Wani azi d’elemu, a dum ala: Ang kak ki sed’emiya, kayam afata ar go á nika, yina kal wa. Mi kal avo á kak ki sed’eziya.

Wana ni Zla d’a Djivi d’a Luc mi b’irita 8:38

Wani sama muzuk ma tchona buzuk kei kuruma, mi tchen Jesus ala aram mi i ki sed’emu. Wani Jesus mi sunum mi dum ala:

Jean 4:39

Suma kur azì ma ngol ma Samari mámina ablaud’a a he gagazid’a yam Jesus yam glangâsâ hatchad’a ma ti dazizi ala: Mi dan ahlena pet suma an lazina na.

Jean 4:41

Suma dingâ ablaud’a a he gagazid’a yam zla mamba.

Jean 4:43

Bugol bur ma mbà máma, Jesus mi tchol sa hî, mi i yam ambas sa Galile-d’a,

Sunda hi suma a sunuzinid’a 16:15

Kid’a ami lat batemba ki suma avo hatatna peta, ti tchenemi ala: Le agi wan ala an natcha d’a d’engzenga avok Salad’a ni, agi mbeï kagagi avo hatanu. Ti labami gak ami imi ki sed’ed’u.

Sunda hi suma a sunuzinid’a 8:8

Suma kur azì mámina a le furîd’a ngola.

Vama ndum mbeina 3:20

Ar ang huma! An nga ni tchola avun gonga, nga ni dap vun gonga. Le sana mi humun delen mi malan vuna ni, an mba ni kal avo hatamu, an mba ni te ki sed’emu, mam mba mi te ki sed’en mi.