Jean 4:34 - Bible azumeina

³⁴ Jesus mi dazi ala: Te mana ná le minda hi mam ma sununïna, ná ndak vun sun mamba mi.

Jean 4:34 Iomraidhean Croise

Wana ni mbaktumba hi Job-pa 23:12

An noî nga vun mam ma hed’a woi d’i, an ngom zla d’a mam han vuna kata kurun krovo.

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Matiye 3:15

Wani Jesus mi hulong dum ala: Ar ang lan ka tchetchem, kayam ei ndagei vun ahlena pet suma Alona mi minizina. Bugola, Jean mi mina.

Matiye 9:19

Jesus azi ki mam suma hata a i ad’umu.

Wana ni Zla d’a Djivi d’a Luc mi b’irita 15:10

Kayam ndata, an nga ni dagiya, malaikana hAlonina a mba le furîd’a yam sama tu ma tcho ma mi mbut hurum yam tcho mambina.

Wana ni Zla d’a Djivi d’a Luc mi b’irita 19:10

Kayam an Gor Sana ni mba ná hal suma vit teina á sud’uzi mi.

Wana ni Zla d’a Djivi d’a Luc mi b’irita 2:49

Mi hulong dazi ala: Agi halan ni yam me ge? Agi wagi nga d’ala mbeî an kak kur gonga hAbunda d’uo zu?

Jean 17:4

An suburung wa yam andagad’a ka hî, an dap wa sun nda ang handji á led’id’a.

Jean 19:28

Bugol ahle ndazina, Jesus mi wala ki tchetchemba ahlena pet a ndak wa memet. Kayam mi min ndak zla d’a a b’irit kur mbaktumba hAlonid’a, mi dala: Vunan so.

Jean 19:30

Kid’a Jesus mi tche süm ma azlei máma dad’a, mi dala: Ahlena pet a ndak wa, mi tchok yam kä, mi duk vunamu.

Jean 4:32

Wani mi dazi ala: An nga ki te ma agi wum nga d’uo na.

Jean 5:30

Jesus mi dazi kua ala: An nga kad’enga á le va yam tan ndi. D’igi an hum na, an nga ni ka sariyad’a hina mi. Sariya d’a an kata ni d’ingêr, kayam an nga ni le ni min manda d’i, wani an le ni minda hi mam Ma sununïna.

Jean 5:36

Wani an nga ki glangâs ma ngol ma kal ma hi Jean-nina, kayam sun nda Abun handjid’a, an nga ni ndagat vunad’u. Sun nda an lata nga d’i le glangâsâ kan ala nAbun ba, mi sununïya.

Jean 6:33

Kayam tena hAlonina ni sama tcholï akulona, ni sama he arid’a mi suma kur duniyad’ina.

Jean 6:38

kayam an tcholï akulo ná le min manda d’i, wani ná le minda hi mam Ma sununïna.

Jean 8:29

Mam ma sununïna, mi nga ki sed’enu, nga mi aran van ndi, kayam an nga ni lahle suma lum tam djivid’ina burâ ki burâ.

Sunda hi suma a sunuzinid’a 20:35

Kur ahlena pet, an tagagi á le sun nda djivid’a, kayam agi ndjunugi suma hohoud’a. Agi djib’eregi yam zlad’a hi Salad’a Jesus d’a mam tam dat ala: Alona mba mi b’e vunam yam sama hed’a kal ma ved’a d’a.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.