Jean 4:32 - Bible azumeina

³² Wani mi dazi ala: An nga ki te ma agi wum nga d’uo na.

Jean 4:32 Iomraidhean Croise

Wana ni mbaktumba hi Job-pa 23:12

An noî nga vun mam ma hed’a woi d’i, an ngom zla d’a mam han vuna kata kurun krovo.

Sawal la giled’a 119:103

Vun mang ma hled’a nadjib’eta avunanu, ma adjib’eta avunan kal mbul ayuma.

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Sawal la giled’a 63:5

Ata yima an nga kaka ki iran yam andagad’a tua na, an mba ni suburungû, an mba ni yo abon akulo ki simiyêngû.

Zla d’a d’ogolâ 14:10

Sana mi we vama b’lagam hurum krovona ni mamu, sama ding nga mi b’rau furî mamba ki sed’em mbuo mi.

Zla d’a d’ogolâ 18:20

Sana mi hop hurumî ki zla d’a ndavunamba, ni zla d’a mam data ba, mi hop ki hayamu.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Jean 4:31

Kid’a atcha ndata ti id’a, suma hata a tchenem ala: Ma hat suma, ang mbeï te nde tua.

Jean 4:33

Suma hata a de tazi ala: Na ni sa mi hum wa vama te zu?

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Sunda hi suma a sunuzinid’a 20:35

Kur ahlena pet, an tagagi á le sun nda djivid’a, kayam agi ndjunugi suma hohoud’a. Agi djib’eregi yam zlad’a hi Salad’a Jesus d’a mam tam dat ala: Alona mba mi b’e vunam yam sama hed’a kal ma ved’a d’a.

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.