Jean 4:23 - Bible azumeina

²³ Wani yina nga mba, ki tchetchemba, mi mba wa, ata yi máma, suma kud’or suma gagazina a mba kud’or Abud’a ni kur muzu’â ki gagazid’a mi, kayam Abud’a mi min ni suma hina na á kud’uromu.

Jean 4:23 Iomraidhean Croise

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Sawal la giled’a 147:11

Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Sawal la giled’a 17:1

David mi tchen Alona. Ma didina, ang hum tchen man nda d’ingêra, ang tin humang á hum tchi mana, kayam an nga ni tcheneng ki hur ma tuna.

Sawal la giled’a 32:2

Sama Ma didina mi ndumum nga tcho mamba kam mbuo ma mbut ira nga kurum mbuo mi na, mi le furîd’a.

Sawal la giled’a 51:6

An le tchod’a ni mi ang tu gid’eng, an le tchod’a avorongû. Kayam ndata, suma a mba wang ma d’ingêrâ nata zla mang nga ded’a; ata yima ang ka sariyad’a kana, ang ni ma bei zlad’a kang ba na mi.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Sawal la kal teglesa 2:14

Gugu manda, ndak ka nga kaka angra ahinad’id’a, ndak ka nga ngei d’a kä ata yima ligitimid’a, ar an wak iragu, ar an humuk delegu, kayam delek ki djivid’a, irak ki djif heî mi.

Isai 10:20

Kur bur máma Israel suma a arâ, nala suma hi Jakob suma a sutna, a mba ar bei deng tazi ata ma tozina, wani a mba deng tazi ki hur ma tinda yam Ma didin ma tin tam irat vat yam Israel-lîna.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Isai 43:21

Suma an lazina a mba de woi yam subur manda.

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Jeremi 3:10

Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Ezekiyel 22:30

An nga ni hal sana adigazi á ge gulumuna woi kazi á tchol avoron ir gulumun ma hulut teina á sut ambasa tala ti b’lak kei d’uo d’a. Wani an nga ni fe sa d’i.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 12:23

Jesus mi hulong dazi ala: Yina ndak wa kayam Alona mi suburun an Gor Sana.

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Jean 16:32

Agi gologiya! Yina nga mba, ki tchetchemba mi mba wa, ata yi máma, agi mba b’rawagi woi yayak, nge nge pî mba mi i avo hatamu. Agi mba aran van tu, wani an nga van tu d’i, kayam Abun nga ki sed’enu.

Jean 4:21

Jesus mi dat ala: Atchad’azina, ndak hum zla manda. Yina nga mba, ata yi máma agi mba kud’urogi Abud’a ni yam ahina ndata d’i, d’oze avo Jerusalem mbuo mi.

Jean 5:25

Gagazi, an nga ni dagiya, yina nga mi mba, ki tchetchemba mi mba wa, ata yi máma, suma matna a mba hum del an Alona Goroma; azi suma a huma, a mba kak karid’a mi.

Jean 5:28

Agi lagi atchap kayam ndata d’i, kayam yina nga mi mba, ata yi máma, suma mat suma a nga kur zulina pet, a mba humun delenu,

Romê-na 1:9

Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi.

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

Romê-na 8:26

Hina mi, Muzu’â hAlonina nga mi ndjuni kur amangeî meid’a. Kayam ei wei nga á tchen Alona ata yat tuo, wani Muzu’â tamba nga mi tchen Alona kei ki zam ta d’a sana mi ndak á dat tei d’uo d’a.

Galat-na 4:6

Kayam agi mbud’ugi groma, kayam ndata, Alona mi sunï Muzu’â hi Goromina kuri ma nga mi zud’i á yi ala Aba, nala, Abunu.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Samuel 12:24

Agi djib’eregi yam ad’enga hi Ma didinid’a, agi lum sunda ki gagazid’a ki hurugi pet, agi djib’eregi yam ahle suma nglo suma atchapma pet suma mam lazi kagina mi.