Jean 4:21 - Bible azumeina

²¹ Jesus mi dat ala: Atchad’azina, ndak hum zla manda. Yina nga mba, ata yi máma agi mba kud’urogi Abud’a ni yam ahina ndata d’i, d’oze avo Jerusalem mbuo mi.

Jean 4:21 Iomraidhean Croise

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Ezekiyel 14:3

Ang gor sana, sum ndazina a tin huruzi ni yam filei mazi ma nga mi zud’uzi á le tchod’ina. An mba ni arazi á djobon zlad’a zu?

Ezekiyel 20:3

Ang gor sana, ang de mi suma nglo suma Israel-lâ ala: Salad’a Ma didina mi dala: Na ni agi mba ná djobon ndju? An Ma bei matna ba na nga ni dagiya, an ni aragi agi djobon ndi. Ni an Salad’a Ma didina ba, ni de na.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Matiye 18:20

Kayam ata yima lara ma suma mbà d’oze hindi a nga toka ki simiyêna, an nga adigaziya.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Jean 16:32

Agi gologiya! Yina nga mba, ki tchetchemba mi mba wa, ata yi máma, agi mba b’rawagi woi yayak, nge nge pî mba mi i avo hatamu. Agi mba aran van tu, wani an nga van tu d’i, kayam Abun nga ki sed’enu.

Jean 4:23

Wani yina nga mba, ki tchetchemba, mi mba wa, ata yi máma, suma kud’or suma gagazina a mba kud’or Abud’a ni kur muzu’â ki gagazid’a mi, kayam Abud’a mi min ni suma hina na á kud’uromu.

Jean 5:25

Gagazi, an nga ni dagiya, yina nga mi mba, ki tchetchemba mi mba wa, ata yi máma, suma matna a mba hum del an Alona Goroma; azi suma a huma, a mba kak karid’a mi.

Jean 5:28

Agi lagi atchap kayam ndata d’i, kayam yina nga mi mba, ata yi máma, suma mat suma a nga kur zulina pet, a mba humun delenu,

Sunda hi suma a sunuzinid’a 6:14

Kayam ami humumi mi dala: Jesus ma Nazarat máma mba mi b’lak gong nga kud’ora hAlonid’a woyo, mba mi mbut zla d’a adjeu d’a Moise mi areizid’a kä.

Efes-sâ 2:18

Ni yam Christ ba, ei pet, Juif-fâ kandjaf suma dingâ djak, ei ndak á kalei avok Alona kad’enga hi Muzuk mam ma tunid’a.

Efes-sâ 3:14

Ni kayam ndata ba, an tchuk guguvan kä avok Abui

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.

Vama ndum mbeina 21:22

An we nga gong nga kud’ora hAlonid’a kur azì máma d’i, kayam Salad’a Alo ma ad’engêm kal petna azi ki Gor timina a ni gong mamba.