Jean 4:20 - Bible azumeina

²⁰ Abuyomi ngolo a kud’or Alona ni yam ahina d’a wanda, wani agi Juif-fâ a nga dagiya ala: Mbeî a kud’uromî kur Jerusalem.

Jean 4:20 Iomraidhean Croise

1 Amuleina 9:3

Ma didina mi dum ala: An hum tchen mang nga hu d’a ang tchenenda, an tin wa gong nga ang minita irat vad’u, an mba ni kak kua adigagi gak didin, an mba ni tin iran kad’u, an mba ni vagi atan burâ ki burâ mi.

1 Sunda Hamuleinid’a 21:26

David mi min yima ngal ahle suma ngat buzuna mi Ma didina kamu, mi hahle suma ngat buzu suma ngala kahle suma ngat buzu suma zlap darigïd’a, mi tchen Ma didina mi. Ma didina mi hulongôm humba ni kakud’a. Akud’a ti tcholï akulo yam yima ngal ahle suma ngat buzu suma ngala.

1 Sunda Hamuleinid’a 22:1

David mi dala: Yima kä wana mba mi arî gong nga kud’ora hi Ma didina Alonid’a, mi mba arî yima ngal ahle suma ngat buzu suma ngala hi Israel-lîna mi.

2 Sunda Hamuleinid’a 6:6

Wani an man Jerusalem kayambala simiyên mi yi kuad’a, an manang ang David á tamula yam man suma Israel-lâ mi.

2 Sunda Hamuleinid’a 7:12

Ma didina mi nde tam mbei iram andjege, mi dum ala: An hum wa tchen manga, an man wa yima wana á han ahle suma ngat buzuna kua.

2 Sunda Hamuleinid’a 7:16

Ki tchetchemba, an man wa gong ndata, an tinit wa irat vat kayam simiyên mi yi kua burâ ki burâ, an mba ni tin iran ki hurun pet kat burâ ki burâ mi.

Sawal la giled’a 132:13

Kayam ndata, Ma didina mi man Siyon, hurum minit á kak kuru.

Sawal la giled’a 78:68

Wani mi man andjafâ hi Juda-na, mi man ahina d’a Siyon nda hurum vat heîd’a.

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Wana ni Zla d’a Djivi d’a Luc mi b’irita 9:53

Wani suma kur azì mámina a vum nga atazi d’i, kayam mi so iram á i Jerusalem.

Jean 4:12

Abui ngolo Jakob ma hami golong ndatina, mam tamba ki groma ki d’uwar mama a tchad’u. Na ni ang ngola kalam zu?

Gat ta a hat á mbàd’id’a 11:29

Fata Ma didina Alo magina mi kalagi wa kur ambas sa agi i hlagizi wanda ni, agi mba dagi zla d’a yam b’e vunid’a yam ahina d’a Garizim-mba, agi mba dagi zla d’a yam ge vunid’a yam ahina d’a Ebal-la mi.

Gat ta a hat á mbàd’id’a 27:12

Fata agi djagagi alum ma Jurdê-nid’a, andjafâ hi Simeon-na, hi Levi-na, hi Juda-na, hi Isakar-râ, hi Josef-fâ ki ma hi Benjamin-na, a tchol yam ahina d’a Garizim-mba á b’e vuna yam suma.