Jean 4:15 - Bible azumeina

¹⁵ Atcha ndata ti dum ala: Banana, ang hanï mbiyo máma kayam vunan dok so d’uo d’a tala an hulongî ka hî á gul mbina d’uo d’a.

Jean 4:15 Iomraidhean Croise

Sawal la giled’a 4:6

Agi hagi ahle suma ngat buzu suma ndak á hed’ina, agi hagi tagi mi Ma didina mi.

Jean 4:16

Jesus mi dat ala: Ndak i yi ndjuvugu, ndak hulongîya.

Jean 6:26

Jesus mi hulong dazi ala: Gagazi, an nga ni dagiya, agi halan ni yam ahle suma simat suma agi wagizina d’i, wani yam te ma agi tum hobogi ki na.

Jean 6:34

Azi dum ala: Salamina, ang hami te máma burâ ki burâ.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

Romê-na 8:5

Kayam suma a nga tit bugol sa mazi ma adjeunina, a nga le ni minda hi sa mazi ma adjeunid’a, wani suma a nga tit bugol Muzu’â hAlonina, a nga le ni min mamba mi.

1 Korente-na 2:14

Sama nga ki Muzu’â hAlonina d’uo na, mi ndak á ve gagazi d’a tcholï ata Muzuk mámid’a d’i. Ndat ni vama lilid’a iramu, mi ndak á wal ir ahlena hi Muzuk mámina d’uo mi.

Jacques 4:3

Agi nga tchenegiya, agi nga fagi va d’i, kayam agi nga tchenegi ki tchen nda irata d’i, kayam agi minim ná ndak vun minda hi hliwigid’a.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.