Jean 4:10 - Bible azumeina

¹⁰ Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Jean 4:10 Iomraidhean Croise

Sawal la giled’a 10:17

Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

Buzuk ka Abud’a 17:6

Gola! An nga ni tchol sä avorong sä hî yam ahina d’a Horep-pa. Ang mba wat ahinad’a, mbina mba mi djang ngei irad’u, suma a mba tchumu. Moise mi le hina ir suma nglo suma Israel-lâ.

Sawal la kal teglesa 4:15

Nda’î ir mbiyo ma lau ma kur asinenina, nda’î golong nga lau d’a d’igila hirwilinga, nda’î toliyon nda djangî kä yam ahuniyô suma Liban-nid’a mi.

Isai 12:3

Agi mba gulugi mbina ni ki furîd’a kur golong nga lau d’a suta.

Isai 35:6

Suma dileîd’a a mba pir akulo d’igi dugiyona na, suma ndumîd’a a mba de zlad’a woi ki furîd’a, kayam mbina nga mi djang iram hur fulâ, toliyonda nga d’i djang irat abo ma Araba-na mi.

Isai 42:6

An Ma didina ni yangî yam d’ingêra, an nga ni vang abong akulo, an nga ni ndjunungû, an nga ni tining á djin vunang ki suma pet á mbut b’od’a handjaf sumid’a,

Isai 43:20

Hâna karigeta kazurei suma abageina a mba suburunu, kayam an nga ni ge mbina hur fulâ, an nga ni gäluma yam andaga d’a so d’a gangrasa, kayam man suma an manazina a tche mbina kua.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Jeremi 2:13

Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Ezekiyel 16:35

Ndak atcha d’a gaulangâ, ndak hum zlad’a hi an Ma didinid’a.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Zakari 14:8

Kur bur máma mbiyo ma he arid’ina mba mi djangî woi kur Jerusalem. Abom ma hina mba mi i iram kur apo d’a Matna abo ma yorogona, abom ma hina mba mi i iram kur alum ma ngol ma Mediterane-na abo ma fladegena mi, a mba le hina andol kawaliya.

Wana ni Zla d’a Djivi d’a Luc mi b’irita 11:13

Le agi suma tchona agi wagi á hahle suma djivina mi grogina ni, na ni Abugi ma sä akulona mba mi he Muzuk mam ma bei tchod’a ba na mi suma a nga tchenema kal luo zu?

Jean 16:3

Azi mba lagi hina kayam azi we nga Abun ndi, a wan nga an nduo mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

Sunda hi suma a sunuzinid’a 9:11

Salad’a mi dum ala: Ang tchol atogo, ang i kur palum mba a yat ala D’ingêra d’a. Ang i hal sama a yum ala Saul-lâ, ni sama Tarsis-sâ. Mi nga avo hi Judas, nga mi tchen Alona kua.

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

1 Korente-na 10:4

Azi pet a tche ni mbina hAlonina mi, kayam azi tche ni mbiyo ma lawï ata ahinad’a hAlona d’a nga d’i tit blogozid’a. Ahina ndata ni Christ.

2 Korente-na 9:15

Ar ei lei mersi mAlona yam he d’a hawa mam mba ngol la kal teglesa.

Efes-sâ 2:8

Alona mi sud’ugi ni yam suma mamba ata lovot ta he gagazid’a. Wani nata sun magi d’a led’a d’i, kayam sana mi subur ki tam mbi. Wani ni he d’a hawad’a hAlonid’a.

Hebre-na 6:4

Yam suma a we woi tetet suma a djuk he d’a hawa d’a tcholï akulod’a suma a fe b’raud’a hi Muzuk ma bei tchod’a ba

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.