Jean 3:32 - Bible azumeina

³² Mi nga mi le glangâsâ yam vama mi wuma mi humuma mi, wani sama mi ve zla mambina nga d’i.

Jean 3:32 Iomraidhean Croise

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Isai 53:1

Ni nge ba, mi he gagazid’a yam zla d’a ami tchat walata ge? Ni nge ba, Ma didina mi tagam ad’eng mamba ge?

Matiye 7:8

Kayam nge nge pî ma nga mi tchena, Alona mba mi humu; sama nga mi halâ, mba mi fe; sama nga mi dap vun gongina, a mba malamziya.

Jean 1:11

Ti mba avo hatad’u, wani sum matna a vat nga atazi d’i.

Jean 15:15

An dok yagi azungeîna d’uo d’a, kayam azongâ nga mi we vama salama mi luma d’i. Wani an yagi buniyôn suma kokodjona, kayam ahlena pet suma an humuzï avun Abuna, an tagagiziya wa.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Jean 3:11

Gagazi, an nga ni dangû, ami dami ni vama ami wuma, ami lami glangâsâ ni yam vama ami wamizi ki iramina, wani agi nga vagi zla mamid’a d’i.

Jean 3:26

Azi mba gen Jean, a dum ala: Ma hat suma, mam ma nga zlapa ki sed’eng sä abo alum ma Jurdê-na woi hî na, ni ma ang le glangâsâ woi kama, gola, nga mi le suma batemba, suma pet a nga i gevem mi.

Jean 3:33

Sama ve zla mambina, nga mi tagam mbei abu ala Alona ni Ma gagazina.

Jean 5:20

Kayam Abun le kanu, mi tagan ahlena pet suma mam nga mi lazina, kayam mam mba mi tagan sun nda ngol la kal la wanda, kayam agi mba lagi atchap kad’u.

Jean 8:26

An nga ki zla d’a ngola kagi á ded’a, á ka sariyad’a kagi mi. Wani mam ma sununïna, ni Ma gagazina. An nga ni de mi suma yam andagad’ina vama an humumï avunama.