Jean 3:29 - Bible azumeina

²⁹ Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Jean 3:29 Iomraidhean Croise

Sawal la kal teglesa 3:11

Agi yugunei suma Siyon-na, agi buzugugi woi abu gologi amulâ Salomon, kavaval la asum tinimzi kam kur bur mam ma telina. Ni bur ma hurum oîd’a ki furîd’ina.

Sawal la kal teglesa 5:1

Mi dala: Aman nda hurun vak heîd’a, Gola! An nga ni kal kur asine mana, an nga ni gul mir mana, ki mbul man ma his ma afufuîna, an nga ni te se ayuma ki mbul ayum mana, an nga ni tche süm guguzlu manda kambir manda mi. Buniyôzina a dala: Buniyômina, agi tagiya, agi tchagiya, agi gurud’ugi woi ki od’a d’igi suma a gurut ki süma na.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 66:11

Hina wani, agi mba hobogi ki b’leng hur ma ndat ti b’lengêgizina d’igi gogor ma asum mbi hum apona mi tchum ki furîd’a adigatna na.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Ezekiyel 16:8

An kal gevegu, an gologu. Wana ni yi mak ma ndak á ved’ina. An barak baru man nda ngola kagu, an zlubuk gandila maka, an gunuk tanu, an djin vunan ki sed’egu, an Salad’a Ma didina ni dala: Ndak arî manda.

Wana ni mbaktumba hi Oze-d’a 2:19

An mba ni tchi simiyê Bäl lei avunat tala ti djib’er yam simiyê alo ma teteng máma d’uo d’angû d’a.

Matiye 22:2

Leu d’a akulod’a ti hle tat ni d’igi amul ma ding ma mi le te ma tela hi goromina na.

Matiye 25:1

Jesus mi had’azi kua ala: Ata yi máma, leu d’a akulod’a mba d’i hle tat ni d’igi gro yugunei suma dogo suma a yo lalam mazid’a a buzuk á d’ugol sala telina na.

Matiye 9:15

Jesus mi dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i! Wani burâ nga mi mba, a mba hle sala tela woi adigaziya. Kur bur máma, a mba d’el tazi bei te tena tua.

Wana ni Zla d’a Djivi d’a Luc mi b’irita 15:6

Ata yima mi kal avo hatama, mi yi buniyôma ki ndroma, mi dazi ala: Agi mbeyegïya! Agi lagi furîd’a zlapa ki sed’enu, kayam an fe wa timi man ma vit teina da’.

Jean 15:11

An dagi ahle ndazina kayam agi lagi furîd’a kanu, kayam furî magid’a ndak memet mi.

Jean 16:24

Avok dei gak ki tchetchemba, agi tchenem nga va ki simiyên ndi. Agi tchenegiya, agi mba fagiya, kayam furî magid’a ti ndak memet.

Jean 17:13

Ki tchetchemba, an nga ni iza gevengû. An nga ni dahle ndazina kur duniyad’a, kayam furî man nda azi lat kanda ti ndak memet.

Jean 3:30

Mbeî mam mbut ma ngol ma kalâ, an mbut ma gor ma kalâ.

2 Korente-na 11:2

An nga ni le yungôra kagiya; ni yungôr ma tcholï ata Alonina, kayam agi ni d’igi gor wei d’a yed’et ta an kat mi mandjufîd’a na, nala Christ.

Filip-ma 2:2

Le ni na ni, agi kagagi ki djib’er ra tud’a ki o d’a tud’a ki vun ma tuna mi. Hina wani, tan mba d’i lan djivi d’a ngola kagiya.

1 Jean 1:4

Ami nga b’irigi ahle ndazina, kayam furî meid’a ti ndak memet.

2 Jean 1:12

An nga kahlena ngola á b’irigiziya, wani an min b’irigizi ki mbaktumba ki engkrena d’i. An tin hurun ala an iza hatagi á dagi zlad’a vuna ki vuna, kayam furî meid’a ndak memet.

Vama ndum mbeina 21:9

Bugola, ma dingâ tu aduk malaika suma kid’iziya suma a nga ki angulei suma kid’iziya suma a nga oîd’a ki tugud’ei d’a tcho d’a kid’iziya d’a dabid’a abozina, mi mba, mi dan ala: Ang mbeya! An mba ni tagang atcha d’a tela hi Gor timinid’a.