Jean 3:21 - Bible azumeina

²¹ Wani sama nga mi le sun nda gagazid’ina nga mi mba kur b’od’a, kayam a nde ki sun mam mba led’a woi abu ala mi ge yam kä avok Alona.

Jean 3:21 Iomraidhean Croise

Sawal la giled’a 119:105

Zla manga ni lalam mba b’o yina avoronda, naku d’a b’o hur lovot mandid’a mi.

Sawal la giled’a 119:80

Ar an kak d’ingêr á tit yam gat manga, kayam an mbut zulona avorong ngi.

Isai 26:12

Ma didina, ang ngomomi ki halasa, kayam ahle suma ang nga lazi kamina pet, ni ang ba, ndagazi vunaziya.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Wana ni mbaktumba hi Oze-d’a 14:8

Suma Efraim-ma a mba dala: Vama ndolomi ki fileina ni me ge? An mba ni hulongôzi humba yam tchen mazid’a, an mba ni tin iran kaziya, an mba ni mbut ni d’igi agu sipre ma d’uf ma gugulîna na kaziya. Ni yam an ba, agi fagi ki te magina.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Jean 3:20

Kayam sama nga mi le tchod’ina, nga mi min b’od’a d’i, nga mi mba kur b’od’a d’uo mi, kayam mi min ala sun mam mba le d’a tchod’a ti nde woi abu d’i.

Jean 5:39

Agi nga fegegi kur mbaktumba hAlonid’a, agi nga djib’eregi ala ni kurut ba, agi nga kari d’a didinda. Ni ndat ba, nga d’i le glangâsâ kanu.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Galat-na 6:8

Kayam sama zar yam minda hi sa mam ma adjeunid’a, mba mi fet ni vuta hi sa mam ma adjeunid’a, ni matna. Wani sama mi zar yam minda hi Muzu’â hAlonina, mba mi fet nari d’a didinda.

Efes-sâ 5:9

Kayam sama nga kur b’od’ina nga mi landjaf sun nda djivi d’a lara ge pet ki d’ingêra ki gagazid’a mi.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Kolos-sâ 1:29

Kayam ndata, an nga ni le sunda, an nga ni dur ayîna kad’eng nga Christ mi handjid’a, nad’eng nga nga d’i le sun nda kurunda.

Hebre-na 13:21

Ar Alona mi mbud’ugi suma ndak memetna yam sun nda djivi d’a lara ge pet á le min mamba. Ni ma nga mi le sun nda djivid’a kuri yam Jesus Christ á lum tam djivid’ina. Ni Jesus Christ ma ei suburum gak didina. Amin!

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Jean 1:6

Le ei dei ala: Ei nga lei darigïd’a ki sed’emu, wani le ei nga tid’i kur nduvunda tua ni, ei kei ni zlad’a, ei nga tid’i yam gagazid’a d’i.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.

Vama ndum mbeina 3:15

An wahlena pet suma ang lazina. An we ang nga ab’lenga d’uo mi na, ang nga akud’a d’uo mi. An min ang ka’î ab’lenga d’oze akud’a.