Jean 3:16 - Bible azumeina

¹⁶ Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Jean 3:16 Iomraidhean Croise

Ad’u Tinda 22:12

Malaikana mi hulong dum kua ala: Ang tin abong ata gorongâ d’i, ang lum va d’uo mi. Ki tchetchemba, an wala ang nga le mandara Alona, kayam ang d’elen nga gorong ma tu gid’engâ bei hed’a d’i.

Ad’u Tinda 22:2

Alona mi dum kua ala: Ang ve gorongâ Isak ma tu gid’eng ma ang le kam heîna, ang i yam ambas sa Moriya-d’a, ang handji vama ngat buzu ma ngala yam ahina d’a an mba ni tagangzid’a.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Matiye 9:13

Wani agi igiya, agi i had’agi ad’u zla d’a a b’irit kur mbaktumba hAlonid’a ala: Alona mi dala: An min ni we hohowa suma, nga ni buzu ma ngata d’uo d’a, kayam an mba ná yi suma d’ingêrâ d’i, wani ná yi suma tchona.

Marik 12:6

Ma ding ma ar tuna ni gorom ma hurum vum heîna. Mi sunumï gevezi á dabid’a kis. Mi dala: Azi mba le zulo gorona.

Wana ni Zla d’a Djivi d’a Luc mi b’irita 2:14

Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Jean 3:15

kayam sama lara pî ma he gagazid’a kama, mi nga kari d’a didinda.

Jean 3:18

Sama he gagazid’a kama, sariyad’a nga d’i vum mbi, wani sama he gagazid’a kam mbuo na, sariyad’a ti vum wa da’, kayam me mi he nga gagazid’a yam Alona Gorom ma tu gid’engâ d’i.

Jean 3:36

Sama he gagazid’a yam Alona Goromina, mi nga kari d’a didinda. Sama ge yam kä avok Alona Goroma d’uo na, mba mi fe arid’a d’i, wani ayîna hAlonina mi nga kaka kamu.

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

Romê-na 5:10

Adjeu ei ni suma djangûna kAlona, wani matna hi Goromina mi zlabei darigïd’a ki mamu. Le Alona mi zlabei darigïd’a ki mam na ni, kal pet, mba mi sud’i woyo, kayam Goroma mi nga karid’a.

Romê-na 5:8

Wani Alona mi tagei o mam mba keid’a woi ala kid’a ei ni suma le tchod’a tua d’a, Christ mi mit keya.

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Efes-sâ 2:4

Kid’a ei boi woi kur tchila meid’id’a, Alo ma we hohowa suma ki o mam mba ngol la mi lat keid’a, mi mbud’i arid’a zlapa tu ki Christ. Ni yam suma mamba ba, mi sud’ugi kiya.

2 Tasaloni’â 2:16

Ar Saleina Jesus Christ tamba kAbui Alo ma mi le keina, mi b’lengeî huri b’leng nga didinda yam suma mamba ki tin hur ma djivina,

Wana ni mbaktum mba Paul mi b’irit mi Tit-ta 3:4

Wani kid’a djivid’a hAlo ma sud’inid’a ki o mam mba yam sumid’a a nde woid’a,

Hebre-na 2:9

Wani ei wei Jesus ma Alona hulongôm kä ad’u malaikana ndjö na. Ki tchetchemba, mi kulubum avaval la subura kamu, mi hum ngola mi. Ni yam sumad’a hAlonid’a ba, mi fe ndaka, mi mit yam suma pet.

1 Jean 3:1

Agi gologi andjaf o d’a ngol la Abui Alona mi lat kei á yï ala ei ni groma d’a. Ni ei wana. Suma duniyad’a a wei nga d’i, kayam azi wum nga d’i.

1 Jean 4:19

Ei nga lei od’a, ni kayamba Alona mi le kei adjeud’a.