Jean 21:25 - Bible azumeina

²⁵ Ahle suma ding suma Jesus mi lazina, a nga ngola. Ladjï a b’irizi tutu ped’u ni, an djib’er ala yima kur duniyad’ina pî, nga mi ndak yam mbaktum mba teteng nga a b’irita d’i.

Jean 21:25 Iomraidhean Croise

Wana ni mbaktumba hi Job-pa 26:14

Wana ni sun mamba vunat ma akid’eina; ei humut ni hina nde nde wü d’a. Wani ni nge ba, mi ndak á wäd’u breîd’a hi sib’ik mambid’a ge?

Sawal la giled’a 40:5

Sama nga mi le furîd’ina ni sama deng tam ata Ma didinina; nga mi zlap ki suma subur tazina d’oze suma ka zlad’a d’uo mi.

Sawal la giled’a 71:15

An mba ni de woi yam d’ingêr manga ki sut manga burâ ki burâ, kayam an we nga ndum mata d’i.

Ma tchi wala 12:12

An ma tchi wala ni ve tan ad’enga á fe zla d’a djivid’a. Zla d’a a b’irit kä memet ndata ni zla d’a gagazid’a.

Amos 7:10

Amasiya ma ngat buzu ma Betel-lâ, mi ge sunda mi de mi Jerobowam amul ma Israel-lâ ala: Amos mi ndjak vuna kang aduk Israel-lâ. Suma kur ambasa a ndak á ve tazi yam zla mam ndata pet ti.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Matiye 19:24

An nga ni dagi kua: Nafefeta mi djambala á kal kur zul la libirâ, kal la ma ndjondjoîna mi kal kur leud’a hAlonid’a mi.

Marik 5:16

Suma a wahle ndazinina, a nga dazi ahle suma a lena ki sama nga ki muzuk ma tchona kurum adjeuna ki vama le ki kozongîna mi.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 20:35

Kur ahlena pet, an tagagi á le sun nda djivid’a, kayam agi ndjunugi suma hohoud’a. Agi djib’eregi yam zlad’a hi Salad’a Jesus d’a mam tam dat ala: Alona mba mi b’e vunam yam sama hed’a kal ma ved’a d’a.

Hebre-na 11:32

An dok de ni zla me d’ei ge? Yina kid’agan á väd’u zlad’a hi Jedeyon azi ki Barak ki Samson ki Jepte ki David ki Samuel ki suma djok vun Alonid’a.