Jean 21:16 - Bible azumeina

¹⁶ Jesus mi dum kua á mbàd’a ala: Simon Jean goroma, ang le kan ndju? Pierre mi hulong dum ala: Â, Salana, ang we an le kangû. Jesus mi dum ala: Ang pol tumiyô mana.

Jean 21:16 Iomraidhean Croise

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Sawal la giled’a 95:7

Kayam mam mi Alo meina, ei ni suma mi poleina, ei nades tumiyô mam suma mi ngomeina. Ini agi humugi zla d’a mi data. Mi dala:

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 2:6

Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Matiye 25:32

Andjaf suma pet a mba tok kä avoronu. An mba ni walazi irazi woi d’igi ma pola mi wal ir tumiyôna ki b’ogeina na.

Matiye 26:72

Wani Pierre mi tin vunam kua d’ei, mi gun tam ala: An we nga sa máma d’i.

Wana ni Zla d’a Djivi d’a Luc mi b’irita 19:10

Kayam an Gor Sana ni mba ná hal suma vit teina á sud’uzi mi.

Jean 18:17

Wei d’a ngom vun azina ndata, ti de mi Pierre ala: Angî ma aduk suma hata hi sa mámina mi d’uo zu? Mi dat ala: An nga adigazi d’i.

Jean 18:25

Ata yi máma, Simon Pierre, mi nga tchola á hol akud’a. Azi dum ala: Angî aduk mam suma hata mi d’uo zu? Mi tin vunam ala: An nga adigazi d’i.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

1 Pierre 5:2

Agi pologi ades tumiyôna hAlona ma mi hagizi abogina. Agi ngomom ki hur ma djivina d’igi Alona mi min na, wani ni kad’enga d’i. Ar agi lagi sun magid’a á fe beged’a d’i, wani ni kur min magid’a.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.