Jean 21:15 - Bible azumeina

¹⁵ Bugol la azi te dad’a, Jesus mi de mi Simon Pierre ala: Simon Jean goroma, ang le kan kal suma wana zu? Mi dum ala: Â, Salana, ang we an le kangû. Jesus mi dum ala: Ang he gro tumiyô mana tena.

Jean 21:15 Iomraidhean Croise

Ad’u Tinda 33:13

Wani Jakob mi hulong dum ala: Salana, kemba a gugureid’a tua, an nga kaho’â kamuzlei suma grona mi; le an tid’izi atogo kur bur ma tuna go ni, suma gureina a mba ba woyo.

2 Samuel 7:20

Ma didina, an dok ni dangî zla me d’ei ge? Salad’a, Ma didina, ang wan an azong mangâ.

2 Amuleina 20:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Jeremi 23:4

An mba ni tin suma pol suma dingâ kazi á poloziya. Tumiyô mana a mba le mandar roze a mba zlak kuo mi, tu mba mi ba woi adigazi d’uo mi. An Ma didina ni de na.

Jeremi 3:15

An mba ni hagi suma pol suma an hurun minizina. Azi mba pologi ki ned’a ki wad’ud’a mi.

Ezekiyel 34:23

An mba ni tin ma pola kazi ni tu, nazong mana David. Mam mba mi poloziya, mam mba mi arî ma pol ma gagazina.

Ezekiyel 46:24

Sa máma mi dan ala: Wana natuguyo suma suma a mba le sunda kur gong nga kud’ora hAlonid’ina a mba yi hliwa ahle suma suma a mba hazi he d’a hawad’a kuana.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Matiye 16:17

Jesus mi hulong dum ala: Ang Simon Jonas goroma, ang le furîd’a, kayam ni sana ba, mi tagang gagazi ndata d’i, wani nAbun ma sä akulona.

Matiye 18:10

Jesus mi had’azi kua ala: Agi gologi tagi djiviya, agi gologi ma tu ma aduk gugurei suma wana is si. Kayam an nga ni dagiya, malaika mazina a sä akulo a nga gol ir Abun ma sä akulona teteu. [

Matiye 26:33

Wani Pierre mi dum ala: Le suma dingâ pet a arang ngei pî ni, an mba ni arang ngei d’i.

Matiye 26:35

Pierre mi dum ala: Le nda’î á matna ki sed’eng pî ni, an mba ni tin vunan kang ngi. Suma hata pet a de hina mi.

Marik 14:29

Wani Pierre mi dum ala: Le suma dingâ pet a arang ngei pî ni, an mba ni arang ngei d’i.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

Jean 1:42

Mi i ki sed’em gen Jesus. Jesus mi golom mi dum ala: Angî Simon Jean goroma. A mba yang ala Kefas, nala, Pierre.

Jean 13:37

Pierre mi dum ala: Salana, ni kayam me ba, an ndak á tit ad’ung ka tchetchem mbuo ge? An min he tan ndei kangû.

Jean 16:27

kayam Abun tamba nga mi le kagiya, ni kayamba agi lagi kanda, agi hagi gagazid’a ala an tcholï ni gen Alona d’a mi.

Jean 21:12

Jesus mi dazi ala: Agi mbeï tagiya. Aduk suma hata ma ndak á djobom ala: Angî nge ge na nga d’i, kayam azi wala ni Salad’a.

Jean 21:7

Kayam ndata, ma hat ma Jesus mi le kam heîna, mi de mi Pierre ala: Ni Salad’a. Kid’a Simon Pierre mi hum ala ni Salad’a d’a, mi kleû baru mama atamu, kayam mam mi gandilad’a, mi ge tam kä á mbiyo.

Jean 8:42

Jesus mi dazi ala: Ladjï Alona nAbugiya ni, agi mba lagi kanu, kayam an tcholï ni gen Alona ba, ni mba wana, kayam an mba ni yam tan ndi, wani ni mam ba, mi sununïya.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Sunda hi suma a sunuzinid’a 20:29

An wala bugol i manda, suma d’igi ngûna na a mba kal adigagiya, a mba ar adesâ hi tumiyônina d’i.

Romê-na 14:1

Ar agi vagi sama amangeî ma kur he gagazid’ina atagiya, wani ar agi kagi sariyad’a kam yam djib’er mamba d’i.

Romê-na 15:1

Ei suma ad’enga kur he gagazid’ina, ar ei ndjuni suma amangeîna á zizi amangeî mazid’a. Ar ei halei ni vama mi lei tei djivid’ina d’i.

1 Korente-na 8:11

Ni yam we manga ba, ang b’lak wiyeng ma amangeî ma Christ mi mit kama zu?

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

1 Pierre 2:2

Ar agi had’agi hurugi yam apo ma djivina d’igi gugurei suma vut awilina na, nala, yam zlad’a hAlonid’a, kayam agi wulugi akulo kur sut magid’a.

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

1 Jean 4:19

Ei nga lei od’a, ni kayamba Alona mi le kei adjeud’a.

1 Jean 5:1

Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.