Jean 20:2 - Bible azumeina

² Kayam ndata, ti ring ti fe Simon Pierre ki ma hat ma ding ma Jesus mi le kam heîna, ti dazi ala: A pat wa Salad’a kur zula, ami wami nga yima a gum kuana d’i.

Jean 20:2 Iomraidhean Croise

Jean 13:23

Ma dingâ aduk mam suma hata, ni ma Jesus mi le kam heîna, mi nga kaka kä avun tena go ki Jesus.

Jean 19:26

Kid’a Jesus mi wasum ki ma hat ma mam le kam heîna mi nga tchola go ki sed’eta, mi de masum ala: Asunu, ndak gol goro’â wana!

Jean 20:13

Azi dat ala: Atchad’a, ndak tchi nana ge? Ti dazi ala: An tchi ni kayamba azi pat Salanid’a, an we nga yima azi gum kuana d’i.

Jean 20:15

Jesus mi dat ala: Atchad’a, ndak tchi nana ge? Ndak halî nge ge? Ti djib’er ala ni sama ngom asinena. Ti dum ala: Banana, ang le hlumî angû ni, ang tagan yima ang gum kuana, an i hlumu.

Jean 20:9

Azi we nga zlad’a kur mbaktumba hAlonid’a biya d’i, tala mbeî Jesus mba mi tchol akulo aduk suma matna d’a.

Jean 21:20

Pierre mi pret tamu, mi we ma hat ma Jesus le kam heîna nga mi djï bugolo. Ni ma deng tam ata Jesus kid’a azi nga te te ma fladegenid’a, ni ma mi dum ala: Salana, ni nge ba, nga mi hang abo suma ge na.

Jean 21:24

Ni ma hat máma ba, mi le glangâsâ yam ahle ndazina wana, ei wei ala glangâs mama ni gagazi mi.

Jean 21:7

Kayam ndata, ma hat ma Jesus mi le kam heîna, mi de mi Pierre ala: Ni Salad’a. Kid’a Simon Pierre mi hum ala ni Salad’a d’a, mi kleû baru mama atamu, kayam mam mi gandilad’a, mi ge tam kä á mbiyo.