Jean 20:16 - Bible azumeina

¹⁶ Jesus mi dat ala: Marie! Ti pret tad’u, ti dum ki vun Hebre-na ala: Raboni, nala, Ma hat suma.

Jean 20:16 Iomraidhean Croise

Ad’u Tinda 22:1

Bugol ahle ndazina, Alona mi kuk Abraham, mi yum ala: Abraham! Abraham mi hulong dum ala: An huma!

Ad’u Tinda 22:11

Ata yi máma malaikana hi Ma didinina mi yumï akulo atogo zak ala: Abraham! Abraham! Abraham mi hulong dum ala: An huma!

Ad’u Tinda 45:12

Agi tagi wagi ki iragiya, ang Benjamin we ki irang mi, ni an tan ba, ni dagi zlad’a ki vunanu.

Buzuk ka Abud’a 3:4

Ma didina mi we d’ala Moise mi d’es á gola d’a, mi yumï aduk azlupa ala: Moise! Moise! Moise mi humum ala: An huma!

Buzuk ka Abud’a 33:17

Ma didina mi de mi Moise ala: An mba ni ndak vun zla d’a ang data, kayam an wang hohowongû, an wang ki simiyêng mi.

Sawal la kal teglesa 3:4

An gazi woi hina nde, an fe ma an hurun vum heîna. An vumu, an tchugum nga d’i gak an kal ki sed’em avo hasunu, klavi hi d’a vud’unda.

Sawal la kal teglesa 5:2

Ti dala: An bur sena, wani djib’er manda nga tinda, an hum dela hi ma an hurun vuma nga mi tum vun gonga. Mi dala: Aman nda an hurun vak heîd’a, ndak malan vuna woyo. Gugu manda, ndjondjoî manda, yan ndi ras abo mbad’ïd’a, tumus sa kanda ti ras abo mbad’ï d’a nga d’i tol ka andjeged’a.

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Matiye 14:27

Ata yi máma na wat, Jesus mi dazi ala: Agi vagi tagiya! Ni anu, agi lagi mandar ri.

Marik 10:51

Jesus mi hulong dum ala: Ang min ala an langî me ge? Ma duka mi dum ala: Salana, ar ang malan iran ndeyo.

Wana ni Zla d’a Djivi d’a Luc mi b’irita 10:41

Wani Salad’a mi hulong dat ala: Marta, Marta, ndak nga kur djib’era, huruk nga hat yam ahlena ngola heî.

Jean 1:38

Jesus mi mbut iramu, mi golozi a nga tid’ï ad’umu, mi djobozi ala: Agi halagi ni me ge? Azi hulong dum ala: Rabi (nala, Ma hat suma), ang kak nga ni lara ge?

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Jean 10:3

Ma ngom vun kangânina mi malam vuna, mi yi tumiyô mama ki simiyêziya. Tumiyô mama a humum delemu, mi buzuguzi woi abua mi.

Jean 11:28

Bugol la Marta ti de zla ndata dad’a, ti i yi wiyeta Marie gumunu, ti dat ala: Ma hat suma mi mba wa, nga mi yagu.

Jean 13:13

Agi nga yan ala Ma hat suma, Salamina. Agi yan nata yad’u, kayam an ni mamu.

Jean 20:28

Toma mi hulong dum ala: Angî Salana, Alo mana.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Jean 5:2

Gringâ mi nga avo Jerusalem, a ve nga azangâ vahl avunamu, ni ma a yum ki vun Hebre-na ala Betesda-na, mi ni go ki vun agre’â hi tumiyônina.

Jean 6:25

Kid’a azi fum sä abo apo d’a woi hî d’a, a dum ala: Ma hat suma, ang mba ka hî ni mindja d’ö?

Sunda hi suma a sunuzinid’a 10:3

Ki fladege d’a afata tchuk siyata, mi we malaikana hAlonina mi nde tam mbei iramu. Mi kal gevemu, mi dum ala: Kornei.

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?

1 Samuel 3:10

Ma didina mi mba, mi tchol gevem mi yum d’igi mi yum avoka na ala: Samuel! Samuel! Samuel mi hulong dum ala: Ang de; an azong mangâ nga ni huma!

1 Samuel 3:6

Ma didina mi hulong yi Samuel kua. Samuel mi tchola, mi i gen Eli, mi dum ala: Ang yan ndang ba, an wana! Eli mi dum ala: Gorona, an yang nga d’i; ang hulong i bur kä.