Jean 20:15 - Bible azumeina

¹⁵ Jesus mi dat ala: Atchad’a, ndak tchi nana ge? Ndak halî nge ge? Ti djib’er ala ni sama ngom asinena. Ti dum ala: Banana, ang le hlumî angû ni, ang tagan yima ang gum kuana, an i hlumu.

Jean 20:15 Iomraidhean Croise

Sawal la kal teglesa 3:2

Kayam ndata, an nga ni tchola, an mba ni ngui hur azì ma ngolâ ir palumba, ata yima suma a nga tok kuana mi, an mba ni hal ma an hurum vum heîna. An halamu, an fum nga d’i.

Sawal la kal teglesa 6:1

Yuguneina a djobot ala: Ta djif heîd’a, ma ndak le kam heîna, mi i ni lara ge? Ma ndak huruk vum heîna, mi i nabo ma lara ba, ei i haleizi d’ang nge?

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Matiye 28:5

Wani malaikana mi de marop ndazina ala: Agi lagi mandar ri, kayam an wala agi halagi ni Jesus ma a b’alam akulo ata agunina.

Marik 16:6

Mi dazi ala: Ar vunadigagi d’i pat ti. An wala agi halagi ni Jesus ma Nazarat ma a b’alam akulo ata agunina. Mi tchol wa akulo, mi nga ka hî d’i; agi gologi yima a gum kuana wana.

Wana ni Zla d’a Djivi d’a Luc mi b’irita 2:44

wani a djib’er ala mi nga naduk ndrozi suma tita. A tit burâ tu, a nga halam aduk simiyêzi ki buniyôzina.

Wana ni Zla d’a Djivi d’a Luc mi b’irita 24:5

Aropma a le mandarâ, a tchok yazi kä. Sum ndazina a dazi ala: Ni kayam me ba, agi halagi sama arina aduk suma matna ge?

Jean 1:38

Jesus mi mbut iramu, mi golozi a nga tid’ï ad’umu, mi djobozi ala: Agi halagi ni me ge? Azi hulong dum ala: Rabi (nala, Ma hat suma), ang kak nga ni lara ge?

Jean 18:4

Jesus mi wahlena pet suma a nga mba kama. Kayam ndata, mi nde tam mbei iraziya, mi dazi ala: Agi halagi ni nge ge?

Jean 18:7

Kayam ndata, mi djobozi kua ala: Agi halagi ni nge ge? Azi dum ala: Jesus ma Nazarat-na.

Jean 20:13

Azi dat ala: Atchad’a, ndak tchi nana ge? Ti dazi ala: An tchi ni kayamba azi pat Salanid’a, an we nga yima azi gum kuana d’i.

1 Samuel 1:16

Ang golon d’igi an natcha d’a zlat nga d’uo d’a na d’i. An tchen ngola ni kayam pupuluk ka tanda ki hur man ma hata.