Jean 2:19 - Bible azumeina

¹⁹ Jesus mi hulong dazi ala: Agi togi gong nga kud’ora hAlona d’a wanda kä, wani kur bur ma hindina, an mba ni minit akulo.

Jean 2:19 Iomraidhean Croise

Matiye 12:40

D’igi Jonas mi le burâ kur kuluf ma ngolâ falei hindi andjege hindi na, an Gor Sana mba ni le burâ hindi faleya, hindi andjege kä aduk andagad’a hina mi.

Matiye 16:21

Kur bur máma, Jesus mi nde mi de woi mi mam suma hata ala: Mbeî an i Jerusalem á fe ndaka ngola abo suma nglona azi ki nglo suma ngat buzuna ki suma hat gata mi. A mba tchanu, wani kur bur ma hindina, an mba ni tchol akulo aduk suma matna.

Matiye 27:40

A dum ala: Ang ma ala ang to gong nga kud’ora hAlonid’a kä ang minit akulo kur bur ma hindina na, ang sut tangû. Le angî Alona Goroma ni, ang tchugï aseng kä woi ata agu ma b’ala.

Matiye 27:63

a dum ala: Sama ngolâ, humami gami yam zla d’a sama ka zla máma, kid’a mam nga ki iram tua d’a, mi dala: Bugol bur ma hindina, an mba ni tchol akulo aduk suma matna.

Marik 14:58

Ami humumi mi dala: An mba ni to gong nga kud’ora hAlonid’a d’a suma a minit kabozid’a woyo, wani bugol kur bur ma hindina an mba ni min nda ding nga bei sana mi minit kabombid’a akulo.

Marik 15:29

Suma a nga kalâ a nga ngulumu, a nga kidjik yazi ala: Ahâ! Ang ma dala ang to gong nga kud’ora hAlonid’a kä ang mba minit akulo kur bur ma hindina na,

Marik 8:31

Jesus mi nde mi hat mam suma hata ala: Mbeî an Gor Sana mba ni fe ndaka ngola. Suma nglona azi ki nglo suma ngat buzuna ki suma hat gata a mba noyônu, a mba tchanu, wani kur bur ma hindina, an mba ni tchol akulo aduk suma matna.

Jean 11:25

Jesus mi dat ala: An ni Ma tchol suma matna ni Ma hazi arid’a mi na. Sama he gagazid’a kana, le mi mid’u pî, mba mi kaka karid’a.

Jean 5:19

Jesus mi hulong dazi ala: Gagazi, an nga ni dagiya, an Alona Goroma ni ndak á le va yam tan ndi, wani an le ni vama an wAbun nga mi luma hol, kayam ahlena pet suma mam nga mi lazina, an Goroma nga ni lazi mi.

Sunda hi suma a sunuzinid’a 2:24

Wani Alona mi tcholom akulo, mi pad’am mbei kur ndaka hi matnid’a, kayam matna nga kad’enga á vum kä d’i.

Sunda hi suma a sunuzinid’a 2:32

Ni Jesus máma ba, Alona mi tcholom akulo; ami pet ni suma glangâsâ yam zla ndata mi.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Sunda hi suma a sunuzinid’a 6:14

Kayam ami humumi mi dala: Jesus ma Nazarat máma mba mi b’lak gong nga kud’ora hAlonid’a woyo, mba mi mbut zla d’a adjeu d’a Moise mi areizid’a kä.

Romê-na 4:24

wani a b’irit ni yam ei suma Alona mba mi ndumi suma d’ingêrâ, yam he gagazi d’a ei hat yam mam ma mi tchol Jesus Saleina akulo aduk suma matnina mi.

Romê-na 6:4

Kur batem meid’a, a tozei zlapa tu ki sed’em kur mat mama. D’igi Christ mi tchol akulo aduk suma matna karid’a kad’eng nga subura hAbumba na, hina mi, ei tid’i ni kur ari d’a awilid’a mi.

Romê-na 8:11

Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

1 Korente-na 15:12

Le ami tchagi wala yam Christ ala mi tchol akulo aduk suma matna ni, ni kayam me ba, suma dingâ adigagi a nga dala suma matna a mba tchol akulo d’uo ge?

Kolos-sâ 2:12

Kayam a tozogi zlapa tu ki Christ kur batemba, kurut a tchologi zlapa tu ki mam mi, kayam agi hagi gagazid’a yam ad’eng nga Alona mi tagat tei ata yima mi tcholom akulo aduk suma matnina.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.