Jean 19:6 - Bible azumeina

⁶ Kid’a nglo suma ngat buzuna ki suma a ngom yina a wumba, a de ki delezi akulo ala: B’alam akulo ata aguna, b’alam akulo ata aguna. Pilat mi dazi ala: Agi tagi vagiziya, agi b’alagizi akulo, kayam an fe nga zla kam mbi.

Jean 19:6 Iomraidhean Croise

Matiye 26:58

Pierre nga mi djï blogom mbei hina dei, gak mi kal hur azina hi ma ngol ma ngat buzunina. Mi kak kä gen suma ndjola á we vama mba mi lena.

Matiye 27:22

Pilat mi hulong dazi ala: Na ni an le ni nana ki Jesus ma a yum ala Christ-sâ ge? Azi pet a dala: B’alam akulo ata aguna.

Matiye 27:24

Ata yima Pilat wala mam ndak á le va d’uo na, wani yala nga mi i avogovogo, mi gul mbina, mi mbus abom avok ablau suma. Mi dazi ala: Buzuna hi sama d’ingêr mámina nga kan ndi, ni zla magid’a.

Wana ni Zla d’a Djivi d’a Luc mi b’irita 23:4

Pilat mi de mi nglo suma ngat buzuna azi kablau suma ala: An fe nga zla yam sa máma d’i.

Jean 18:3

Kayam ndata, Judas mi yoï azigarâ adesâ ki suma a ngom gong nga kud’ora hAlonid’ina. Ni suma nglo suma ngat buzuna azi ki Fariziyêna a sunuzïna. Azi mba ki lalamba kaku d’a ganda kahle suma sïna aboziya.

Jean 18:31

Kayam ndata, Pilat mi dazi ala: Agi vagiziya! Agi tagid’a kagi sariyad’a kam yam gat magid’a. Juif-fâ a dum ala: Gat magid’a arami nga lovota á tchi sa d’i.

Jean 18:38

Pilat mi dum ala: Gagazid’a ni me ge? Kid’a Pilat mi de zla ndata dad’a, mi hulong ndabua, mi i gen Juif-fâ, mi dazi ala: An fe nga zla kam tu d’i.

Jean 19:15

Kayam ndata, azi de ki delezi akulo ala: Tchum mbeyo, tchum mbeyo, b’alam akulo ata aguna. Pilat mi djobozi ala: An b’alagi amul magina akulo zu? Nglo suma ngat buzuna a hulong dum ala: Ami nga kamul ma ding ngi, ni Sesar tu.

Jean 19:4

Pilat mi hulong ndabu kua, mi dazi ala: Agi gologiya! An mbagizi woi abu wana, kayam agi wagi ala an fe nga zla kam mbi.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.