Jean 19:5 - Bible azumeina

⁵ Kayam ndata, Jesus mi nde woi abu kavaval aweid’a kam ki baru d’a hleud’a atamu. Pilat mi dazi ala: Agi gologi sa máma.

Jean 19:5 Iomraidhean Croise

Isai 40:9

Agi suma Jerusalem-ma, agi djagagi akulo yam ahina d’a fiyaka, agi suma Siyon-na, agi dagi zlad’a ki delegi akulo kad’engêgi pet, kayam a hagi zla d’a djivid’a abogiya. Ar agi lagi mandarâ á dat tei d’i. Agi dagi mi suma kur azì ma nglo ma Juda-na ala: Gola! Alo magina wana!

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Hor ma tchina 1:12

Agi suma pet suma nga kalagi ka hina, Agi mbeyegiya, agi gologiya! Agi wagi andjaf ndak ka an nga ki sed’et ta Ma didina mi tumun ki sed’et kur bur ma hurum zal kana, ta hle tat d’igi ndat hina d’a nga d’i.

Matiye 27:29

A tchil avaval aweid’a, a kulubumzi kamu. A dengêm tchereuna abom ma ndjufâ, a grif kä avoromu, a nga lazam ala: Lafiya, amulâ hi Juif-fîna, ami gang depa.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jean 19:2

Azigarâ a tchil avaval aweid’a, a kulubut yam Jesus, a tchugum baru d’a hleud’a atamu.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.