Jean 19:28 - Bible azumeina

²⁸ Bugol ahle ndazina, Jesus mi wala ki tchetchemba ahlena pet a ndak wa memet. Kayam mi min ndak zla d’a a b’irit kur mbaktumba hAlonid’a, mi dala: Vunan so.

Jean 19:28 Iomraidhean Croise

Sawal la giled’a 22:15

Ad’engên dap pei d’igi mbiyo ma sid’am kä na na, ir asogon pat tei tutu pet, ve ta manda ti lau woi kurun d’igi dubangâ na.

Sawal la giled’a 69:21

Ngul mazid’a b’lagan hurunu, an ve tugud’eid’a; an hal sama wan hohowona, wani sa nga d’i; an hal sama b’lengên huruna, wani an fe nga sa d’uo mi.

Wana ni Zla d’a Djivi d’a Luc mi b’irita 12:50

Wani batemba nga ni d’a mbeî an lata, hurun nga hat kat gak an lat tua.

Wana ni Zla d’a Djivi d’a Luc mi b’irita 18:31

Jesus mi yo suma dogo yam mbàna gevemu, mi dazi ala: Gola! Ei nga djak i Jerusalem, ahlena pet suma suma djok vun Alona a b’irizi yam an Gor Sanina a mba landjiya.

Wana ni Zla d’a Djivi d’a Luc mi b’irita 22:37

Kayam an nga ni dagiya, mbeî ahle suma a b’irizi kur mbaktumba hAlonid’a kan ala: A ndumum zlapa ki suma tchila yam gata na, a ndaga. Ahle suma b’irizi kana a nga ndaga.

Wana ni Zla d’a Djivi d’a Luc mi b’irita 9:31

A buzuk tazi woi irazi kur subura, a nga yo siretna yam matna hi Jesus ma mba mi mit sä Jerusalem-ma.

Jean 13:1

Avok vun til ma Pa’â, ata yima Jesus mi we ler mam mba mba go á ar duniyad’a á hulong gen Abuma, mi le yam mam suma kur duniyad’ina le d’a kal papad’a.

Jean 17:4

An suburung wa yam andagad’a ka hî, an dap wa sun nda ang handji á led’id’a.

Jean 18:4

Jesus mi wahlena pet suma a nga mba kama. Kayam ndata, mi nde tam mbei iraziya, mi dazi ala: Agi halagi ni nge ge?

Jean 19:24

Kayam ndata, azigarâ a de tazi ala: Ei haweîzi woi d’i, wani ei tumi gumara kad’u, ei wei sama mba yotna. Ahle ndazina a le hina á ndak vun zla d’a a b’irit kur mbaktumba hAlonid’a ala: A b’rau baru mana aduk taziya, a tum baru man nda ngola gumara mi d’a ti ndak memet. Wana nahle suma azigarâ a lazina.

Jean 19:30

Kid’a Jesus mi tche süm ma azlei máma dad’a, mi dala: Ahlena pet a ndak wa, mi tchok yam kä, mi duk vunamu.

Jean 19:36

Ahle ndazina a le hina kayam zla d’a a b’irit kur mbaktumba hAlonid’a ala: A mba kuzum asogom tu d’uo d’a ti ndak memet.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Sunda hi suma a sunuzinid’a 13:29

Kid’a azi lahle suma a b’ir kam kur mbaktumba dad’a, a pad’amï kä ata aguna, a gum kur zula.