Jean 19:18 - Bible azumeina

¹⁸ Nata yi máma ba, azigarâ a b’alam akulo ata aguna, zlapa ki suma dingâ mbà, tu abo hî, tu abo hî, Jesus adugu.

Jean 19:18 Iomraidhean Croise

Sawal la giled’a 22:16

Delen nda horzlomba ti so kaka d’igi lubu ma ab’lorina na, sinan b’al akulo ata d’id’iganu, ang aran kä aduk guguma d’igi sama matna na.

Isai 53:12

Ni kayam ndata ba, an mba ni hum b’rau mamba ki suma nglona. Mam mba mi b’rau ahle suma a hurumuzï avun ayînina ki suma sib’ika kayam mi he tam mbei á matna. A ndumum zlapa ki suma tchila yam gata, kayam mi hle tchod’a hi suma ablaud’a kamu, mi tchen yam suma zlad’a nga kazina mi.

Matiye 27:44

Suma kul suma a b’alazi ki sed’ema, a ngulum hina mi.

Jean 18:32

Ahle ndazina a le hina á ndak ki vun zla d’a Jesus mi dat tei avok yam mad’am ma mam mba mi mitna ndak memet.

Jean 19:32

Kayam ndata, azigarâ a mba, a kus asem ma a fum avo’â ki ma ding ma a b’alam gen Jesus-na.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.