Jean 19:13 - Bible azumeina

¹³ Kid’a Pilat mi hum zla ndatid’a, mi nde ki Jesus abua, mi kak kä yam zlam mba ka sariyad’a. Yi máma simiyêm ala Atranga, a yum ki vun Hebre-na ala Gabata.

Jean 19:13 Iomraidhean Croise

Zla d’a d’ogolâ 29:25

Sama mi le mandara sumina mi gun ni dauna kä kamu, wani sama mi tin hurum yam Ma didinina, va nga mi lum mbi.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Jeremi 38:19

Amulâ Sedekiyas mi hulong de mi Jeremi ala: An nga ki djib’era yam Juif suma a i aduk suma Babilon-nina, an nga ki mandarâ tala azi mba han abozi á lazan zi ge d’a.

Amos 4:7

An d’elegi alo ma sed’a gak tilâ hindi tua ba, til ma duta ndaga. An se alona yam azì ma ngol ma dingâ, ni ar azì ma ngol ma dingâ hawa. An salona yam asine ma dingâ, ni ar bei salona yam asine ma dingâ mi so woyo.

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Wana ni Zla d’a Djivi d’a Luc mi b’irita 12:5

Wani an nga ni dagi yam sama agi lum mandarama. Ar agi lagi ni mandara Alo ma le mi tchagiya wa ni, mi nga kad’enga á tchugugi aduk aku d’a Jahanama-d’ina. Gagazi, an nga ni dagiya, agi lagi ni mandara mamu.

Jean 19:17

Jesus mi hlagu mam ma b’ala, mi nde ki woi abua, mi i ata yima a yum ala Asok yamba na, a yum ki vun Hebre-na ala Golgota.

Jean 19:20

A b’irit ni ki vun Hebre-na ki vun Romê-na ki vun Gre’â. Juif-fâ ablaud’a a nga ndum zla ndata, kayam yima a b’al Jesus kuana ni go kazì ma ngolâ.

Jean 19:8

Kid’a Pilat mi hum zla ndatid’a, mi le mandarâ kua kala.

Jean 5:2

Gringâ mi nga avo Jerusalem, a ve nga azangâ vahl avunamu, ni ma a yum ki vun Hebre-na ala Betesda-na, mi ni go ki vun agre’â hi tumiyônina.

Sunda hi suma a sunuzinid’a 4:19

Wani Pierre azi ki Jean a hulong dazi ala: Na ni ni d’ingêr avok Alona tala ami gami yami kä avorogi kal la ami gami yami kä avok Alonid’a zu? Agi kagi ir zla ndata.