Jean 19:11 - Bible azumeina

¹¹ Jesus mi hulong dum ala: Ladjï Alona mi hangzi ni mam mbuo ni, ang nga kad’enga kan ndi. Kayam ndata, sama han abongâ, mi kalang ki tchod’a.

Jean 19:11 Iomraidhean Croise

1 Sunda Hamuleinid’a 29:11

Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

Sawal la giled’a 39:9

Ang prud’un ndei kur tchila manda pet, ar an mbut vama ngula avok suma lilid’a d’uo mi.

Sawal la giled’a 62:11

Agi tinigi hurugi yam ahle suma a b’ad’azi kad’engina d’i, agi tinigi hurugi yam ahle suma hurumba d’uo mi. Le ahle magina a zul heî pî, agi tinigi hurugi kazi d’i.

Hor ma tchina 3:37

Ni nge ba, mi de ba ahle ndazina a le ge? Ni Salad’a ba, mi he vuna d’uo zu?

Daniel 4:17

Nga hurâ hi malaika suma ndjola ni vun ma hed’a hi suma a tinizi irazi vazina, tala ar suma a nga ki irazi yam andagad’ina a wala Alo ma sä akulo ma kal teglesâ nga mi te yam leud’a hi suma yam andagad’ina pet, nga mi hat mi sama mam hurum minima, nga mi hle yam suma bugolâ akulo mi d’a.

Daniel 4:25

A mba diging ngei aduk suma, ang mba kak aduk ahle suma abageina. A mba hang asuna á ted’a d’igi amuzleina na. Mbad’ï d’a akulod’a mba d’i gangû. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Daniel 5:21

A digim mbei aduk suma, djib’er mamba ti mbut d’igi djib’era hahle suma abageinid’a na. Mi kak aduk koro ma abageina, mi tasuna d’igi amuzleina na, mbad’ï d’a akulod’a ti gumu, gak mi wala Alo ma kal teglesâ nga mi te yam leu d’a yam andagad’id’a pet, nga mi tin sama mam hurum minima amula.

Matiye 26:65

Ata yi máma, ma ngol ma ngat buzuna mi haû baru mamba woyo, mi dala: Mi las Alona, ei dok halei suma glangâsâ d’uo d’a. Agi humugi las sa mi las Alonid’a.

Matiye 27:2

Azi djinim a im a hum abo Pilat ma te yamba.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Marik 14:44

Judas ma hazizi abozina, mi tagazï vama simata ala: Sama an i sobom vunama, ni mamu, agi vagizi djivi ped’et, agi igi ki sed’emu.

Wana ni Zla d’a Djivi d’a Luc mi b’irita 22:53

Burâ ki burâ an nga ki sed’egi kur gong nga kud’ora hAlonid’a, agi halan nga á ved’a d’i. Wani ki tchetchemba ni yi magina, nad’enga hi nduvundid’a mi.

Jean 18:13

Azi im mi Anne avok tua, kayam mam mi Kayif akunoma, ni ma ngol ma ngat buzuna kur biza ndata.

Jean 18:3

Kayam ndata, Judas mi yoï azigarâ adesâ ki suma a ngom gong nga kud’ora hAlonid’ina. Ni suma nglo suma ngat buzuna azi ki Fariziyêna a sunuzïna. Azi mba ki lalamba kaku d’a ganda kahle suma sïna aboziya.

Jean 19:10

Kayam ndata, Pilat mi dum ala: Ang nga dan zla d’i? Ang we nga ala an nga kad’enga á gang akulo, an nga kad’enga á b’alang akulo mi d’uo zu?

Jean 3:27

Jean mi hulong dazi ala: Le Alona mi he va mi sa d’uo ni, sana mi ndak á le va yam tam mbi.

Jean 7:30

Kayam ndata, azi halam á ved’a, wani sa mi tin abom atam mbi, kayam yi máma ndak nga biya d’i.

Jean 9:41

Jesus mi dazi ala: Ladjï agi ni duka ni, agi nga ki tchod’a d’i. Wani ki tchetchemba agi nga dagi ala: Ami nga wamiya. Kayam ndata, tcho magid’a nga kak kä kagiya.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Sunda hi suma a sunuzinid’a 4:28

A lahlena pet suma ang gazi kur ad’eng manga ki min manga avok dei á led’ina.

Romê-na 11:36

Kayam ahlena pet a tcholï natamu, ahlena pet a nga ata yazi ni kayam mamu, a nga ni kayam mam tamba mi. Kayam ndata, ei suburi Alona gak didin. Amin!

Romê-na 13:1

Ar suma pet a ge yazi kä ad’u suma te yamba, kayam te yamba bei tcholï ata Alonid’a nga d’i. Alona tamba mi tin suma te yamba ni mamu.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Jacques 4:17

Wani sama we vama djivina á led’a ko ba mi lum mbuo na, mi le ni tchod’a.