Jean 18:36 - Bible azumeina

³⁶ Jesus mi hulong dum ala: Leu manda ni ka hî kur duniyad’a d’i. Ladjï leu manda ni ka hî kur duniyad’a ni, sum mana a mba dur ayîna kanu, a mba d’elen á han abo Juif-fâ. Wani ki tchetchemba, leu manda nga ka hî d’i.

Jean 18:36 Iomraidhean Croise

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Matiye 26:53

Ang we nga d’ala an ndak á tchen Abun mi sununï malaikana adesâ kal dogo yam mbà ka tchetchemu d’a d’uo zu?

Wana ni Zla d’a Djivi d’a Luc mi b’irita 12:14

Wani Jesus mi dum ala: Bäna, sama tinin á kagi sariyad’a d’oze á b’rawagi djona ni nge ge?

Jean 18:35

Pilat mi hulong dum ala: An ni ma Juif-fâ zu? Ang le ni me ba, simiyêng ki nglo suma ngat buzuna a hang abon nge?

Jean 6:15

Kid’a Jesus mi wala ar go azi nga mba á vum kad’enga á tinim amula d’a, kayam ndata, mi pat tam mbeyo, mi hulong mi djak akulo yam ahinad’a vam tu.

Jean 8:15

Agi kagi sariyad’a ni yam minda hi sumid’a, an nga ni ka sariyad’a yam sa d’i.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,