Jean 18:20 - Bible azumeina

²⁰ Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi.

Jean 18:20 Iomraidhean Croise

Sawal la giled’a 22:22

ang sud’un ndei avun azlo máma, ang sud’un ndei avun adif avun máma mi. Gagazi, ang hum tchen manda!

Sawal la giled’a 40:9

Alo mana, tan lan djivid’a á le min manga, gat manga nga kurun krovo mi.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Isai 48:16

Agi hud’ugï gevenu, agi humugiya. Kad’u tinda dei an de nga zla d’a ngei gumun ndi. Kad’u tinda hahle ndazinid’a dei, an nga. Ki tchetchemba, Salad’a Ma didina mi sununï zlapa ki Muzuk mama.

Matiye 24:26

Le azi dagi ala: Gola! Mi sä abageya ni, agi igi d’i, d’oze ala: Gola! Mi nga ngeid’a ka hî ni, agi hagi gagazid’a d’i.

Matiye 26:55

Ata yi máma, Jesus mi de mablau suma ala: Agi mbagi ki mbuguyo suma fuyogeina ki tutuguyona abogi á van d’igi sama kula na? Burâ ki burâ an nga kaka kur gong nga kud’ora hAlonid’a, nga ni hat suma, wani agi van nga d’i.

Matiye 26:65

Ata yi máma, ma ngol ma ngat buzuna mi haû baru mamba woyo, mi dala: Mi las Alona, ei dok halei suma glangâsâ d’uo d’a. Agi humugi las sa mi las Alonid’a.

Matiye 4:23

Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Matiye 9:35

Jesus nga mi ngui tita kur azì ma nglona kazì ma gureina pet. Nga mi had’azi kur gongîyo mazi suma toka, nga mi tchazi wal Zla d’a Djivi d’a yam leud’a hAlonid’a, nga mi sud’uzi woi kur andjaf tugud’ei mazid’a teteng ki suma homozed’a pet mi.

Marik 8:32

Mi dazi zla ndata woi abu mbak. Wani Pierre mi vum im mbei gen nde, nde mi ngobomu.

Wana ni Zla d’a Djivi d’a Luc mi b’irita 21:37

Ki faleid’a, Jesus nga mi had’azi kur gong nga kud’ora hAlonid’a, wani ki fladege nga mi i bur yam ahina d’a a yat ala Olif-fa.

Wana ni Zla d’a Djivi d’a Luc mi b’irita 4:15

Nga mi had’azi kur gongîyo mazi suma toka; azi pet a suburumu.

Jean 18:21

Ni kayam me ba, ang djobon nge? Ang djop suma a hum zla mandina yam ahle suma an dazizina. Gola! Azi wahle suma an dazina.

Jean 6:59

Jesus mi de zla ndata ni kid’a mam nga mi had’azi kur gong nga toka hi Juif-fâ avo Kapernayum-mba.

Jean 7:14

Mba aduk vun til máma d’ad’ar, Jesus mi kal kur gong nga kud’ora hAlonid’a, mi nga hat suma.

Jean 7:26

Gola! Nga mi de zlad’a woi mbambak, wani azi nga dum va tu d’i. Na ni mei suma te yamba a we gagazi ala mam mi Mesi-yu zu?

Jean 7:28

Ata yi máma, Jesus nga mi hat suma kur gong nga kud’ora hAlonid’a, mi de ki delem akulo ala: Agi wan gagazi, agi wagi yima an tcholï kuana gagazi mi! Wani an mba ni yam tan ndi. Mam ma sununïna ni Ma gagazina, wani agi wum nga d’i.

Jean 7:4

Kayam le sana mi min ala suma a wumu ni, mi nga le va kur ngeid’a d’i. Le ang nga lahle ndazina ni, ang tak tang ngei mi suma pet.

Jean 8:2

Ki yorogo tcholola, mi hulong kur gong nga kud’ora hAlonid’a. Suma pet a mbeï gevemu, mi kak kä, nga mi had’aziya.

Jean 8:26

An nga ki zla d’a ngola kagi á ded’a, á ka sariyad’a kagi mi. Wani mam ma sununïna, ni Ma gagazina. An nga ni de mi suma yam andagad’ina vama an humumï avunama.

Sunda hi suma a sunuzinid’a 26:26

Amulâ Agripa mi wäd’u zla ndata djivi tetet. An dum zlad’a bei mandarâ ba, an we aduk ahle ndazina vama vid’im nga d’i, kayam a lahle ndazina nga ni ngeid’a d’i.