Jean 17:21 - Bible azumeina

²¹ kayam azi pet a kak tu, d’igi ang Abun nga kuruna, an nga kurung na mi, kayam azi kak zlapa tu ki ei mi. Hina wani, suma duniyad’a a mba he gagazid’a ala ni ang ba sununïya.

Jean 17:21 Iomraidhean Croise

Jeremi 32:39

An mba ni hazi hur ma tuna á tit kur lovot ta tud’a á lan mandaran burâ ki burâ tala azi kak ki djivid’a, grozi suma blogozina a kak ki djivid’a mi d’a.

Sofoni 3:9

Ata yi máma an mba ni mbut andjaf suma woi yed’et tala azi tchenen an Ma didina a kud’uron ki hur ma tuna mi d’a.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.

Marik 3:24

Le ba leu d’a tud’a ti wal kä mbà á dur tad’u ni, leu ndata ti ndak á kak kuo d’a.

Jean 10:16

An nga ki tumiyô suma dingâ kua, suma a nga kur kangâ ma wana d’uo na. Mbeî an mba ni mbazi kur mi. Azi mba humun delenu, azi mba mbut ades ma tuna, ma polozina ni tu mi.

Jean 10:30

Ami kAbun ni tu.

Jean 10:38

Wani le an nga ni lad’u ni, agi le hagi gagazid’a kan nduo pî, agi hagi gagazid’a yam sun ndata. Hina wani, agi mba wagi tetet ala Abun nga kurunu, an nga kur Abun mi.

Jean 11:42

An we tcha ala ang nga humun teteu, wani an de ni yam ablau suma nguyun wana, kayam azi fe lovota á he gagazid’a ala ni ang ba, sununïya.

Jean 13:32

Le subura hAlonid’a ti nde woi kanu ni, Alona mba mi nde subura hi an Gor Sanid’a woi kam mam tamba, mba mi le atogo zak mi.

Jean 13:35

Le agi nga lagi od’a yam tagiya ni, suma pet a mba wala agi ni man suma hata.

Jean 17:11

An nga kur duniyad’a d’uo d’a, wani azi nga kur duniyad’a. An nga ni iza gevengû. Abun ma bei tchod’a, ang ngom suma ang handjina ki simiyêngû, kayam azi kak tu d’igi ei na.

Jean 17:18

D’igi ang sununï kur duniyad’a na, an sunuzi kur duniyad’a na mi.

Jean 17:20

An nga ni tchenengî yam azi hol li, wani yam suma a mba he gagazid’a kan yam wal mazi d’a tchid’ina mi,

Jean 17:25

Abun ma d’ingêrâ, suma duniyad’a a wang nga d’i, wani an wangû, suma ang handjina a wala ni ang ba sununïya mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 17:8

kayam zla d’a ang handjid’a, an haziziya wa. Azi vad’u, a wala: Gagazi, an tcholï ni gevengû, a he gagazid’a ala: Ni ang ba, sununïya.

Jean 3:17

Kayam Alona mi sunï Goroma kur duniyad’a ka hî ná ka sariyad’a yam suma d’i, wani kayam mi sud’uziya.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Sunda hi suma a sunuzinid’a 2:46

Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

Sunda hi suma a sunuzinid’a 4:32

Ablau suma a he gagazid’ina, a tok huruzi tu ki muzugazi tu. Sama adigazi ma dala ihî ni va mama katama nga d’i, wani ahle mazina ni toka tu adigaziya.

Romê-na 12:5

Ei ni hina mi. Le ei nablaud’a pî, ei ni hliu ma tuna zlapa tu ki Christ. Ei pet zlabei ata tei tu d’igi ir hliuna teteng kur hliu ma tuna na mi.

1 Korente-na 1:10

B’oziyona, an nga ni tchenegi ki simiyê Saleina Jesus Christ, ar agi kagagi ki vun ma tuna, ar wala ti kak adigagi d’i, ar agi kagagi zlapa tu ki djib’er ra tud’a ki zla d’a tud’a mi.

1 Korente-na 12:12

Hliu tad’a ni tu, wani ir hliu tad’a nablaud’a. Ir hliu tad’a tutu pet le nablaud’a pî, hliu tad’a ni tu. Christ ni hina mi.

1 Korente-na 6:17

Wani sama zlap tu ki Salad’ina mi mbut ni muzuk ma tuna ki mamu.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

1 Jean 1:3

Vama ami wamizina, vama ami humumizina, ami nga lagi glangâsâ kam mi, kayam agi lagi darigïd’a ki sed’emiya. Darigï meid’a ni kAbui Alona ki Goroma Jesus Christ.

1 Jean 5:7

Suma a le glangâsâ kama ni hindi,