Jean 17:2 - Bible azumeina

² Ang han wa ad’enga yam suma pet, kayam an he ari d’a didinda mi suma pet suma ang handjina.

Jean 17:2 Iomraidhean Croise

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Jean 17:6

An tagang simiyêng ngei mi suma ang handji kur duniyad’a ka hina. Azi ni mangâ; ni ang ba, handjiya, azi nga ngom zla manga mi.

Jean 17:9

An nga ni tcheneng kaziya, an nga ni tchenengî yam suma duniyad’a d’i, wani ni yam suma ang handjina, kayam azi ni mangâ.

Jean 3:35

Abud’a nga mi le yam Goroma, mi hum ahlena pet abomu.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Jean 6:37

Suma Abun mi handjina pet a mba mba gevenu. Sama mba gevena, an mba ni gum mbei abu d’i,

Jean 6:39

Wana ni minda hi mam Ma sununïna ala suma mi handjina pet, ar an ba sa woi adigazi tu d’i, wani an tcholozi akulo aduk suma matna kur bur ma dabid’a.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

1 Korente-na 15:25

Kayam ndata, Christ mba mi te leud’a gak Alona mba mi kus yam mam suma djangûna, mba mi mired’ezi kä kasemu.

Efes-sâ 1:20

mba mi ndat tei yam Christ kid’a mi tcholom akulo aduk suma matna karid’a mi tinim á kak ata bigam mba ndjufa ata yima sä akulonid’a.

Filip-ma 2:10

Yam simina hi Jesus-na, guguf ma lara ge pet ma hi suma sä akulona ki ma hi suma kä yam andagad’ina ki ma hi suma kä ad’u andagad’ina, mi grif kä avoromu,

1 Timote 1:16

wani Alona mi wan hohowonu. Kayam an ni ma ngolâ aduk suma tchona, Jesus Christ mi tagan ve ta mamba pet, kayam an mbut ni vama taka mi suma a mba hum gagazid’a á fe ari d’a didindina.

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

1 Jean 1:2

Ata yima Ari ndata ti nde woina, ami wamiziya. Kayam ndata, ami nga dagiya, ami nga lagi glangâsâ yam ari d’a didin nda nga zlapa kAbui adjeu dei d’a nde tat tei iramid’a.

1 Jean 2:25

Wana ni vama Christ mi hle vunam kam á heizina: Nari d’a didinda.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Jude 1:21

Ar agi vagi tagi kur od’a hAlonid’a á djubugi Saleina Jesus Christ ki djivi mamba á hagi ari d’a didinda.