Jean 17:1 - Bible azumeina

¹ Kid’a Jesus mi dahle ndazina dad’a, mi hle iram akulo, mi dala: Abunu, yina ndaga wa, ang suburunu, kayam an suburung mi.

Jean 17:1 Iomraidhean Croise

Sawal la giled’a 123:1

Ni sawal la suma a djak Jerusalem á lü vun tilîna a hlata. An nga ni hle iran akulo á golong ang ma nga kaka yam zlam mang nga amula sä akulona.

Isai 38:14

An nga ni tchi d’igi ababeina mi tchina, an nga ni zam tan d’igi gugud’a na. Iran ndi mbut hohoud’a abo so d’a ni so iran akulod’a. Ma didina, an nga kur ndaka. Ang ndjununu.

Marik 14:41

Mi hulong mi mba yam á hindid’a, mi dazi ala: Ki tchetchemba, agi nga burugi sena, agi tugugi tagi tua! Yina ndak wa, yina mba wa go. Gola! A nga han an Gor Sana abo suma tchona.

Wana ni Zla d’a Djivi d’a Luc mi b’irita 18:13

Wani ma ve lombod’a mi tchol bugol sä woi hina dei, mi min hle iram akulo d’uo ko, wani nga mi tchi abom kurum ala: Alona, ang wan hohowonu, an ni sama tchona.

Wana ni Zla d’a Djivi d’a Luc mi b’irita 22:53

Burâ ki burâ an nga ki sed’egi kur gong nga kud’ora hAlonid’a, agi halan nga á ved’a d’i. Wani ki tchetchemba ni yi magina, nad’enga hi nduvundid’a mi.

Jean 11:4

Kid’a Jesus mi hum zla ndatid’a, mi dazi ala: Tugud’ei mamba ndak á tchum mbi, wani ná tak subura hAlonid’a tala á suburun an Alona Goroma d’a.

Jean 11:41

Kayam ndata, azi ligat ahina ndata woyo. Jesus mi hle iram akulo, mi dala: Abunu, an lang mersi kayamba ang humunda.

Jean 12:23

Jesus mi hulong dazi ala: Yina ndak wa kayam Alona mi suburun an Gor Sana.

Jean 13:1

Avok vun til ma Pa’â, ata yima Jesus mi we ler mam mba mba go á ar duniyad’a á hulong gen Abuma, mi le yam mam suma kur duniyad’ina le d’a kal papad’a.

Jean 16:32

Agi gologiya! Yina nga mba, ki tchetchemba mi mba wa, ata yi máma, agi mba b’rawagi woi yayak, nge nge pî mba mi i avo hatamu. Agi mba aran van tu, wani an nga van tu d’i, kayam Abun nga ki sed’enu.

Jean 7:30

Kayam ndata, azi halam á ved’a, wani sa mi tin abom atam mbi, kayam yi máma ndak nga biya d’i.

Jean 7:39

Jesus mi de zla ndata ni yam Muzu’â hAlona ma suma a he gagazid’a kama a mba vuma, kayam Muzu’â nga bei humï tua, kayam Alona mi subur nga Jesus biya d’i.

Jean 8:20

Jesus mi de zla ndata nata yima a tchuk bege d’a he d’a hawad’a kuana kid’a nga mi hat suma kur gong nga kud’ora hAlonid’a, wani sa tin nga abom atam mbi, kayam yi máma mi ndak nga biya d’i.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.