Jean 15:7 - Bible azumeina

⁷ Le agi nga kaka zlapa tu ki sed’enu, le zla manda nga kaka kurugi mi ni, agi tchenegi ni me pî ma agi minigizi abo Abuna, agi mba fagiziya.

Jean 15:7 Iomraidhean Croise

1 Amuleina 3:5

Kid’a Salomon mi sä Gabawon tua d’a, Ma didina mi dum adïd’a andjege ala: Ang tchenen vama ang minima, an ni hangziya!

Wana ni mbaktumba hi Job-pa 22:26

Ang mba le furî d’a ngola yam Ma ad’engêm kal petna, ang mba hle irang akulo avorom bei mandarâ ba.

Wana ni mbaktumba hi Job-pa 23:12

An noî nga vun mam ma hed’a woi d’i, an ngom zla d’a mam han vuna kata kurun krovo.

Sawal la giled’a 119:11

An nga ni ngom zla manga kurun kayambala an le tchod’a avorong nguo d’a.

Sawal la giled’a 37:4

Ang le furîd’a yam Ma didina, mam mba mi hang vama hurung minima mi.

Zla d’a d’ogolâ 10:24

Vama sama asa’atna nga mi lum mandarama, ni mam ba, mba mi mba kamu, wani vama suma d’ingêrâ a nga minima, Alona mba mi haziziya.

Zla d’a d’ogolâ 4:4

Nga mi had’an mi dan ala: Ar ang ve zla manda kurungû, ang tit yam gat man nda tetenga. Hina wani, ang mba kak karid’a.

Isai 58:8

Ata yi máma b’o magid’a mba d’i b’o woi d’igi yima fod’a na, sut manid’a mba d’i deî atogo zak d’igi afata na, d’ingêr magid’a mba d’i tit avorogiya, subura hi Ma didinid’a mba d’i tit blogogi á ngomogi mi.

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Matiye 7:7

Jesus mi had’azi kua ala: Agi tchenegi Alona, mba mi hagiya; agi halagi va, agi mba fagiziya; agi dabagi vun gonga, a mba malagiziya.

Jean 14:13

Le ni me pî ma agi mba tchenegizi ki simiyên abo Abuna, an mba lagiziya, kayam me an Goroma ni nde subura hAbunda woyo.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Jean 16:23

Kur bur máma agi mba djobon yam va d’i. Gagazi, an nga ni dagiya, agi le tchenegi Abun ni me pî ki simiyênu ni, mba mi hagiziya.

Jean 8:31

Kayam ndata, Jesus mi de mi Juif suma a hum gagazid’ina ala: Le agi gagi yagi kä ad’u zla manda ni, gagazi, agi ni man suma hata,

Jean 8:37

An wala agi nandjafâ hi Abraham-ma, wani agi nga halan á tchid’a, kayam zla manda fe nga yima kaka kurugi d’i.

Galat-na 4:2

Wani ata yima mam nga gogora tua na, mam nga ad’u suma ngomoma ki suma a nga ngom ahle mamina, gak yima abum mi ngamzina.

Galat-na 5:16

Wani an nga ni dagiya, ar agi tid’igi yam minda hi Muzu’â hAlonina. Hina wani, agi mba tid’igi yam minda hi sa magi ma adjeunid’a d’i.

Gat ta a hat á mbàd’id’a 6:6

Vun ma he ma an hangzi inina, ar mi kak kurungû.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

1 Jean 2:14

Gugureina, an nga ni b’irigi kayam agi wagi wa Abui Alona da’. Abuyonu, an nga ni b’irigi kayam agi wagi wa mam ma nga ei avok deina. Azungeîna, an nga ni b’irigi kayam agi ni suma ad’enga, zlad’a hAlonid’a ti nga kaka kurugiya, agi kuzugi wa yam Ma tchona da mi.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

1 Jean 3:22

Vama lara pî ma ei nga tcheneizina, ei nga feizi abomu, kayam ei nga ngomei vun ma he mama, ei nga lei ahle suma a lum tam djivid’ina mi.

1 Jean 5:14

Wana ni hur ma tin mei ma kama ala: Le ei tchenei ni me pî kur min mamba ni, nga mi humiya.